Маціёс: Сярод «тарнадаўцаў», якія забарыкадаваліся, ёсць грамадзянін Беларусі
Сярод байцоў спецроты «Тарнада», якія падазраюцца ў здзяйсненні цяжкага злачынства, ёсць грамадзянін Беларусі, які да гэтага часу знаходзіцца на базе падраздзялення ў Луганскай вобласці.
Пра гэта заявіў на брыфінгу ў Кіеве ў пятніцу намеснік генеральнага пракурора — галоўны ваенны пракурор Анатоль Маціёс.
«На тэрыторыі базы знаходзіцца адзін з незатрыманых асноўных удзельнікаў гэтага злачынства — грамадзянін Беларусі, які не з'яўляецца супрацоўнікам міліцыі. Таксама вымушаны прызнаць, што сярод гэтых асоб, паводле нашых дадзеных, пацверджаных дакументальна, знаходзіцца 43 раней асуджаныя асобы, частка з якіх інтэграваныя і прынятыя на службу», — заявіў Маціёс.
Паводле яго слоў, следства і МУС будуць разбірацца, «хто пры якіх умовах і па якіх прычынах прыняў рашэнне аб прыняцці на працу ў органы ўнутраных спраў гэтых асобаў».
Паводле сцвярджэння галоўнага ваеннага пракурора, менавіта гэтыя людзі з'яўляюцца асноўнымі падбухторшчыкамі да таго, каб асноўная маса тых байцоў, да якіх няма прэтэнзій, супрацьдзейнічалі праваахоўнікам.
Маціёс распавёў, што на тэрыторыі базы знаходзіцца больш за 170 чалавек. 70 з іх не з'яўляюцца супрацоўнікамі міліцыі, але ў іх на руках ёсць зброя.
Цяпер чытаюць
Вялікая гутарка з Лесяй Руднік пра сэксізм, мужа-рэслера, заробак доктаркі навук у Швецыі, апазіцыю і памылку Еўрасаюза3
Вялікая гутарка з Лесяй Руднік пра сэксізм, мужа-рэслера, заробак доктаркі навук у Швецыі, апазіцыю і памылку Еўрасаюза
Галіна Дзербыш казала пракурору: «Як памру, буду да ўсіх вас ноччу прыходзіць». І жыццё ўжо дагнала яе суддзю і сведак. Гісторыя пенсіянеркі, якой далі 20 гадоў калоніі1616
Каментары