Тэрарысты забілі аднаго чалавека, параненыя яшчэ некалькі.
Каля 11 раніцы па мінскім часе тэрарысты здзейснілі напад на завод амерыканскай кампаніі Air Products у Сан-Кантэн-Фалаве (недалёка ад Грэнобля, Францыя), паведамляе France24.
Нападнікаў было прынамсі два. Адзін з іх зайшоў на тэрыторыю завода і падарваў сябе, параніўшы некалькі чалавек. Паведамляецца, што недалёка ад завода была знойдзеная адсечаная галава, распісаная тэкстамі па-арабску.
Адзін з нападнікаў трымаў падчас атакі сцяг «Ісламскай дзяржавы». Затрыманыя два чалавекі, падазраваныя ва ўдзеле ў нападзе. Паведамляецца, што адзін з затрыманых быў у полі зроку спецслужб з 2006 года праз экстрэмісцкія погляды, але ў 2008 назіранне за ім было прыпыненае.
Прэзідэнт Францыі Франсуа Аланд спешна пакінуў саміт лідараў Еўрасаюзу ў Брусэлі і сазваў экстраннае паседжанне ўраду. У тэлезвароце ён заклікаў грамадзян не слухаць заклікі радыкальных палітыкаў і прытрымлівацца французскіх каштоўнасцей.
Цяпер чытаюць
Зніклы Анатоль Котаў быў партнёрам самага высокапастаўленага беларускага разведчыка, які пераехаў у Польшчу. Тут можа быць ключ да разгадкі яго знікнення7979
Зніклы Анатоль Котаў быў партнёрам самага высокапастаўленага беларускага разведчыка, які пераехаў у Польшчу. Тут можа быць ключ да разгадкі яго знікнення79
«З татам вырашылі: наспеў час вучыцца па-беларуску». Жанчына расказала, як у 80-я гады ездзіла за 20 кіламетраў ад Мінска дзеля адукацыі на роднай мове22
Каментары