Больш за палову абломкаў спадарожніка ўпадуць на Зямлю цягам 15 гадзін пасьля патрапленьня ракеты.
Гэты крок быў зроблены, нягледзячы на засьцярогі, што дрэннае надвор’е можа пашкодзіць правядзеньню апэрацыі.
У вайскоўцаў было ўсяго 10 сэкундаў на тое, каб пастарацца зьбіць спадарожнік, які ляцеў на вышыні 210 кілямэтраў над Ціхім акіянам.
Спадарожнік пад назвай USA 193 страціў сувязь зь Зямлёй і выйшаў з‑пад кантролю усяго празь некалькі гадзін пасьля запуску ў 2006 годзе.
Памерам ён зь невялічкі аўтобус, важыць каля дзевяці тонаў.
У студзені Пэнтагон паведаміў, што сыстэма энэргазабесьпячэньня спадарожніка сапсавалася, а сам ён утрымлівае небясьпечнае рэчыва.
Задачай вайскоўцаў было максымальна пашкодзіць паліўны бак, каб як мага большы аб’ём таксычнага ракетнага паліва гідразін распыліўся да ўваходу спадарожніка ў верхнія слаі атмасфэры і падзеньня на Зямлю.
Паводле слоў прадстаўнікоў амэрыканскіх уладаў, гідразін можа нанесьці сур’ёзную шкоду здароўю ці нават прывесьці да сьмерці, калі яго ўдыхне чалавек.
Пакуль незразумела, ці пацэліла ракета ў паліўны бак, які зьмяшчае 450 кіляграмаў гідразіну.
Чакаецца, што больш за палову абломкаў спадарожніка ўпадуць на Зямлю цягам 15 гадзін пасьля патрапленьня ракеты — гэта значыць за два абароты вакол Зямлі.
Каментары