Летась статыстыка па колькасьці новавыяўленых носьбітаў вірусу ў Сьветлагорску і Сьветлагорскім раёне пагоршылася амаль удвая.
У самым нешчасьлівым па гэтай страшнай хваробе рэгіёне Беларусі ніяк ня могуць даць рады зь ейным распаўсюдам. Нядаўна адбылося паседжаньне раённай каардынацыйнай рады ў праблемах ВІЧ/СНІД. Галоўная навіна — летась статыстыка па колькасьці новавыяўленых носьбітаў вірусу ў Сьветлагорску
У 2007 годзе было зафіксавана 190 выпадкаў заражэньня ВІЧ‑інфэкцыяй, а да гэтага штогод рэгістравалася каля 100. Ужо ў студзені 2008 году былі выяўленыя яшчэ 20 новых носьбітаў інфэкцыі, яшчэ 5 — у пачатку лютага. Для параўнаньня, усяго ў Беларусі ў студзені выяўлена 72 ВІЧ‑інфэкаваных пацыенты. Гэта значыць, на Сьветлагоршчыну прыходзіцца амаль траціна хворых.
Асноўным шляхам перадачы інфэкцыі апошнім часам стаў полавы: у 2007 годзе больш за 70% носьбітаў заразіліся менавіта такім спосабам.
У плянах мясцовых уладаў — выраб накладам ня менш за 20 тысяч асобнікаў і распаўсюж спаміж насельніцтва Сьветлагорскага раёну спэцыяльных інфармацыйных улётак, стварэньне відэаролікаў, дэманстрацыя па мясцовай тэлевізіі сацыяльнай рэклямы, правядзеньне традыцыйных акцый, прымеркаваных да дня прафіляктыкі СНІДу.
Каментары