У пасёлку Бальшавік Гомельскага раёна затрыманы 25-гадовы мясцовы жыхар па падазрэнні ў забойстве знаёмага сваёй маці, паведаміла афіцыйны прадстаўнік Гомельскага абласнога ўпраўлення Следчага камітэта Марыя Крываногава.
Інцыдэнт адбыўся 10 жніўня ў кватэры, дзе пражывае маці з сынам. У гэты дзень у іх было двое гасцей — знаёмых гаспадыні дома. Разам выпівалі. Пасля застолля разышліся па пакоях. Сын раптам вырашыў вярнуцца да маці, якая засталася з адным са сваіх знаёмых. Паміж мужчынамі ўспыхнула сварка. Хлопец на кухні знайшоў нож, якім і нанёс удар крыўдзіцелю.
39-гадовы госць ад атрыманых траўмаў памёр на месцы. У дачыненні да падазраванага распачата крымінальная справа па ч.1 арт.139 Крымінальнага кодэкса «Забойства». Прызначаны шэраг экспертыз.
Цяпер чытаюць
«Сядзеў ужо 50 сутак, затрымалі яго дзяўчыну і брата». Сукамернік расказаў пра радыёаматара, арыштаванага за здраду дзяржаве3
Каментары