Аляксандр Лукашэнка лічыць, што сітуацыя ў Беларусі ў 2016 годзе пачне паляпшацца. Пра гэта ён заявіў сёння ў час размовы з працоўным калектывам ААТ «Баранавіцкае вытворчае баваўнянае аб'яднанне».
«Нам трэба прайсці гэты год нармальна. Паглядзім, што будзе ў канцы года», — адзначыў кіраўнік дзяржавы.
«Упэўнены, у наступным годзе мы пачнем выкарасквацца з гэтага становішча, хоць мы не абваліліся так, як іншыя», — падкрэсліў Аляксандр Лукашэнка. Ён адзначыў, што ў краіне ёсць праблемы, аднак няма абвалу.
«Вы бачыце, наш бліжэйшы партнёр — Казахстан, па-мойму, ужо трэці раз за апошнія два гады абваліў, разава дэвальваваў сваю валюту. І гэта краіна, якая сядзіць на карысных выкапнях. Вы бачыце, што адбываецца ў Расіі: за апошнія два гады тры разы абвалілася валюта і, здавалася б, канца краю няма, але пайшла нейкая стабілізацыя», — сказаў кіраўнік дзяржавы.
Паводле яго слоў, сёння краіны ўжо не думаюць пра тое, што будзе ў выніку дэвальвацыі валюты, больш думаюць пра тое, «як утрымацца ў гэтым бурным патоку, не спыніць вытворчасці і хоць на мінімуме прайсці гэты перыяд».
Аляксандр Лукашэнка ўпэўнены, што цяперашняя сітуацыя пераадольныя, «так увесь час не будзе».
Цяпер чытаюць
«Не веру, што гэта піша яна». Таццяна Мартынава сцвярджае, што Карпушонак таксама знікла15
Каментары