У Мадрыдзе іспанскія хуліганы-камуністы напалі на беларускіх фанатаў «Нёмана»
Нападнікі казалі, што падтрымліваюць Лукашэнку. І адабралі ў беларусаў бела-чырвона-белы сцяг, піша Most.
У Мадрыдзе іспанскія хуліганы напалі на беларускіх фанатаў гродзенскага «Нёмана». Гэта здарылася вечарам 28 жніўня пасля матча плэй-оф кваліфікацыі Лігі канферэнцый, у якім «Нёман» прайграў «Рая Вальекана» (0:4).
Паводле слоў відавочцаў, яшчэ да пачатку гульні ў часткі мясцовых радыкальных фанатаў узнікалі пытанні да гасцей з Беларусі. Заўзятары «Рая» вядомыя сваімі левымі, у тым ліку камуністычнымі, поглядамі і варожа ставяцца да тых, хто гэтых поглядаў не падзяляе.
На стадыёне ў гродзенцаў праблем з вывешваннем сцягоў не было. Аднак ужо пасля фінальнага свістка каля 20 агрэсіўна настроеных іспанцаў напалі на пяцярых беларусаў каля станцыі метро.
«Нас было ўсяго пяць чалавек. Атрымалі ад камуністаў, але, дзякуй Богу, што засталіся жывыя. Маглi i нажом ударыць. Такое бывае ў Іспаніі. З рэчаў яны паспелі вырваць адзін бел-чырвона-белы сцяг з гербам Гродна і ўцяклі», — распавёў адзін з фанатаў.
Паводле яго слоў, нападальнікі не хавалі сваёй сімпатыі да рэжыму Лукашэнкі і адкрыта заяўлялі пра падтрымку камунізму.
Цяпер чытаюць
«З татам вырашылі: наспеў час вучыцца па-беларуску». Жанчына расказала, як у 80-я гады ездзіла за 20 кіламетраў ад Мінска дзеля адукацыі на роднай мове11
«З татам вырашылі: наспеў час вучыцца па-беларуску». Жанчына расказала, як у 80-я гады ездзіла за 20 кіламетраў ад Мінска дзеля адукацыі на роднай мове1
Зніклы Анатоль Котаў быў партнёрам самага высокапастаўленага беларускага разведчыка, які пераехаў у Польшчу. Тут можа быць ключ да разгадкі яго знікнення7878
Каментары
[Зрэдагавана]