Дэпутат Еўрапарламента, член італьянскай правай партыі «Ліга Поўначы» Джанлука Буонана аштрафаваны на тры тысячы даляраў і адхілены ад працы ў парламенце на 10 дзён за выступ у футболцы з выявай Ангелы Меркель у вобразе Адольфа Гітлера.
У пачатку кастрычніка, выступаючы з трыбуны Еўрапарламента падчас дэбатаў пра лёс кампаніі Volkswagen, Буонана са словамі «А ці ведала спадарыня Меркель аб тым, што адбываецца ў кампаніі?» сарваў з сябе швэдар, пад якім была футболка з выявай Меркель з кароткімі чорнымі вусамі. Пазней дэпутат яшчэ раз зрабіў параўнанне: прыйшоў на тэледэбаты з Меркель у накладных вусах і ўскінуў руку ў нацысцкім прывітанні.
«Тры тысячы даляраў штрафу і адхіленне на дзесяць дзён. Такая нямецкая дэмакратыя», — напісаў дэпутат на сваёй старонцы ў фэйсбуку.
Члены правай італьянскай партыі «Ліга поўначы» вядомыя сваімі скандальнымі выступамі. У 2013 годзе сваю пасаду вымушаны быў пакінуць сенатар ад партыі Раберта Кальдэролі, які параўнаў чарнаскурую міністра інтэграцыі Сесіль К'енг з арангутанам.
Цяпер чытаюць
«Месяцамі ў кабіне, на сябе забіў. І стаў пытаць: можа, жонка таксама будзе працаваць?». Чаму эміграцыя разбівае сем’і і што рабіць, каб усё паправіць4040
Каментары