Алесь Наварыч: Украіна перарэзала імперскую пупавіну, а Беларусь дагэтуль у абдымках Расіі
У Менску сёлета пачаў выходзіць беларуска-ўкраінскі альманах «Справа», які мае за мэту актывізаваць творчы дыялёг пісьменьнікаў Беларусі й Украіны. Госьцем перадачы «Вольная студыя» — яго галоўны рэдактар Алесь Наварыч.
«Альманах «Справа» ўзьнік як знак таго, што ў Беларусі ёсьць шмат людзей, якія блізка да сэрца ўспрымаюць украінскія падзеі. Было створана Таварыства ўкраінскай літаратуры пры Саюзе беларускіх пісьменьнікаў, чыёй творчай трыбунай і зьяўляецца наш альманах. Ён выходзіць на беларускай і ўкраінскай мовах, таксама мы друкуем творы на берасьцейска-пінскіх гаворках. Каб паказаць, што яны зь сябе ўяўляюць, мы нават пераклалі адну з прамоваў Барака Абамы на гаворку вёскі Заказанка Берасьцейскага раёну, а адзін з выступаў Аляксандра Лукашэнкі — на мотальскую гаворку (вядомае мястэчка Моталь у Іванаўскім раёне).
Творы сучасных украінскіх аўтараў мы стараемся перакладаць на беларускую, але часам гэта не ўдаецца. Скажам, як перакласьці Аксану Забужка? Яе мова настолькі багатая і складаная, там столькі сынтаксічных выкрунтасаў, такая магічнасьць радка! Чароўная, музыкальная проза, якая проста бярэ ў палон. І мы вырашылі друкаваць яе ў арыгінале. Падазраю, што так жа няпроста, амаль немагчыма перакласьці на ўкраінскую нашых Лукаша Калюгу ці Кузьму Чорнага.
У першым нумары мы друкавалі нядаўнюю ляўрэатку Нобэлеўскай прэміі Сьвятлану Алексіевіч. Яна наша, бо — дэмакратка. Гэта самае галоўнае. І тут важна зрабіць такое параўнаньне. Неяк у твітары я вычытаў у аднаго з украінскіх аўтараў, што Ўкраіна яшчэ знаходзіцца ў абдымках усходняга суседа, але пупавіну імпэрскую яна ўжо перарэзала і жывіцца сваім. На вялікі жаль, наша Беларусь знаходзіцца ня толькі ў абдымках Расеі, але і штодня жывіцца яе атрутнай прапагандай. І вось якраз Алексіевіч пісала пра гэтую нязжытую расейскую імпэрскасьць, і што зь ёю нейкім чынам трэба весьці барацьбу».
-
«Мне казалі: ты гаворыш як канадскі эмігрант». Сяргей Шупа расказаў пра Вільню 90-х, параўнанне літоўскай літаратуры з беларускай і адрозненні паміж народамі
-
Лукашэнка паводзіць сябе ў «макдональдсе» як у савецкай сталоўцы. І думае, што гэта крута
-
Пуцін ужо павіншаваў Маджтабу Хаменеі, а Лукашэнка не. Чаго чакае?
Цяпер чытаюць
«Чаму я павінен даказваць, што не дармаед?» Прадпрымальніка з Гомеля памылкова запісалі ў незанятыя — ён даведаўся толькі пасля вялізных рахункаў за камуналку2424
Каментары