Міністр абароны Расіі Сяргей Шайгу абвясціў аб ударах па пазіцыях баевікоў «Ісламскай дзяржавы» на тэрыторыі Сірыі крылатымі ракетамі паветранага базіравання.
Пра гэта ён распавёў у ходзе дакладу расійскаму прэзідэнту Уладзіміру Пуціну.
Шайгу пацвердзіў нанясенне масіраванага ўдару па баевіках ІД: па яго словах, было выпушчана 34 крылатыя ракеты.
Раней расійскія і замежныя СМІ паведамілі, што Расія выпусціла крылатыя ракеты па горадзе Рака — галоўнай апоры «Ісламскай дзяржавы» на тэрыторыі Сірыі.
Паведамлялася аб тым, што ракеты «Калібр» былі запушчаныя з расійскай дызель-электрычнай падводнай лодкі «Растоў-на-Доне», якая здзяйсняла пераход з базы Паўночнага флота ў Наварасійск. Запуск нібыта адбыўся ў той момант, калі падлодка знаходзілася ва ўсходняй частцы Міжземнага мора.
Аднак Шайгу не пацвердзіў гэтыя паведамленні, а заявіў аб тым, што Расія задзейнічала ў Сірыі стратэгічныя бамбавікі Ту-22М3, Ту-160 і Ту-95МС, з якіх і былі выпушчаныя крылатыя ракеты.
Цяпер чытаюць
Што людзі кажуць аб праездзе праз «Брузгі» і «Бераставіцу» і чаму ў апошняй стаяць па 12 гадзін6
Што людзі кажуць аб праездзе праз «Брузгі» і «Бераставіцу» і чаму ў апошняй стаяць па 12 гадзін
«Наіўна спадзяваліся зарабляць у Еўропах, прыязджаць дадому лячыць зубы на халяву і здаваць кватэру». Прапаганда пачала апраўдваць дарагія жыроўкі для «дармаедаў»1919
Каментары