У Мінску падчас галалёду цэнтральныя праспекты будуць пасыпаць соллю, астатнія вуліцы — пясчана-саляной сумессю, паведаміў 24 лістапада на прэс-канферэнцыі генеральны дырэктар ДВА «Гаррамаўтадар Мінгарвыканкама» Дзяніс Глінскі.
Паводле яго слоў, неабходныя рэагенты і сумесі ёсць у поўным аб'ёме. На сёння ўсіх супрацьгалалёдных матэрыялаў нарыхтавана 57 тыс. тон, усяго плануецца нарыхтаваць 75 тыс. тон.
Глінскі адзначыў, што ў некаторых еўрапейскіх краінах пры галалёдзе выкарыстоўваюць гранітную крошку. «Мы ў якасці эксперыменту яе выкарыстоўвалі. Але гэта дарагі матэрыял. Акрамя гэтага, забівае ліўневую каналізацыю. Выкарыстоўваць крошку праблематычна», — лічыць ён. Пясчана-салявыя сумесі выкарыстоўваюць і ў еўрапейскіх краінах — Францыі, Германіі і іншых. «Гэта гадамі правераная тэхналогія, якая забяспечвае бяспеку руху пры галалёдзе», — сказаў генеральны дырэктар.
Скандал у «Еўраопце». 96‑гадоваму дзядулю не дазволілі прысесці на крэсла каля касы20
Каментары