Турэцкія ўлады нясуць прамую адказнасць за гібель расійскіх вайскоўцаў у Сірыі, заявіў прэзідэнт РФ Уладзімір Пуцін падчас паслання Федэральнаму сходу.
Пры гэтым ён падкрэсліў, што лічыць сам турэцкі народ дружалюбным Расіі.
«Турэцкі народ добры і таленавіты. З Турцыяй шмат сяброў. Яны павінны ведаць, што мы не ставім знак роўнасці паміж імі і кіруючай вярхушкай, якая адказная за гібель нашых вайскоўцаў», — сказаў Пуцін.
Расійскі прэзідэнт таксама выказаў неразуменне матываў дзеянняў Анкары. Паводле яго слоў, Масква была гатовая «пайсці насустрач» ва ўсіх рознагалоссях.
«Толькі Алах ведае, навошта яны гэта зрабілі. Мабыць, Алах вырашыў пакараць кіраўнікоў, пазбавіўшы іх розуму», — сказаў Пуцін.
Пры гэтым Расія мае намер дзейнічаць адказна і не будзе «нервова рэагаваць».
«Але калі нехта думае, што, здзейсніўшы забойства нашых людзей, яны абыдуцца памідорамі, то яны памыляюцца. Яны не раз пашкадуюць аб зробленым», — заявіў прэзідэнт Расіі.
Цяпер чытаюць
«Толькі тры чалавекі будуць ведаць пра вас. Самы першы чалавек краіны». З'явіліся запісы размоў шпіёнкі Іны Кардаш з куратарам15
«Толькі тры чалавекі будуць ведаць пра вас. Самы першы чалавек краіны». З'явіліся запісы размоў шпіёнкі Іны Кардаш з куратарам
«Лукашэнка павінен панесці адказнасць за саўдзел у расійскай агрэсіі». Міністр замежных спраў Украіны расказаў пра новую палітыку ў дачыненні да Беларусі2525
Каментары