Прэзідэнт Украіны Пятро Парашэнка вызваліў ад пасад чатырох суддзяў, у прыватнасці, суддзю Пячэрскага раённага суда Кіева Радзівона Кірэева. Адпаведны ўказ №10/2016 ад 18 студзеня апублікаваны на сайце кіраўніка дзяржавы.
Кірэеў па заключэнні Найвышэйшай рады юстыцыі, падчас разгляду крымінальнай справы па абвінавачванні Юліі Цімашэнка беспадстаўна змяніў меру стрымання з падпіскі аб нявыездзе на ўтрыманне пад вартай, чым дапусціў адвольнае і незаконнае пазбаўленне яе волі. Гэтыя дзеянні суддзі Кірэева прывялі да парушэння асноватворнага права чалавека на свабоду і паслужылі падставай для вынясення Еўрапейскім судом рашэння супраць Украіны, што нанесла шкоду аўтарытэту судовай улады і дзяржаве Украіна, гаворыцца ва ўказе.
Цяпер чытаюць
«Лукашэнка павінен панесці адказнасць за саўдзел у расійскай агрэсіі». Міністр замежных спраў Украіны расказаў пра новую палітыку ў дачыненні да Беларусі

Каментары