19 студзеня набыў моц прысуд, вынесены 28-гадоваму жыхару Кобрына за замах на забойства.
Як паведаміў пракурор аддзела пракуратуры Брэсцкай вобласці Віталь Гіско, раніцай 15 жніўня 2015 года ў Кобрыне малады чалавек, знаходзячыся ў стане алкагольнага ап'янення, прыйшоў дадому да свайго былога цесця і ўдарыў таго нажом у вобласць сэрца.
У выніку пацярпеламу было прычынена раненне грудной клеткі злева з пашкоджаннем рэбраў, сардэчнай сумкі правага жалудачка сэрца, ад якога той ледзь не памёр.
Раней малады чалавек неаднаразова пагражаў былому цесцю, бо лічыў таго вінаватым у тым, што ў яго не склалася сямейнае жыццё. У чэрвені дачка пацярпелага развялася з гэтым 28-гадовым мужчынам.
Паводле слоў яго былой жонкі, прычынай скасавання шлюбу стала тое, што ў стане алкагольнага ап'янення муж неаднаразова збіваў яе.
19 лістапада 2015 года суд Кобрынскага раёна прызнаў мужчыну вінаватым у замаху на наўмыснае супрацьпраўнае пазбаўленне жыцця іншага чалавека (ч. 1 арт. 14, ч. 1 арт. 139 КК) і прыгаварыў да васьмі гадоў пазбаўлення волі ў калоніі ўзмоцненага рэжыму. Па рашэнні суда ён павінен выплаціць на карысць пацярпелага 70 млн. рублёў у якасці грашовай кампенсацыі маральнай шкоды.
19 студзеня судовая калегія па крымінальных справах Брэсцкага абласнога суда адхіліла скаргу гэтага грамадзяніна, які не прызнаваў сваёй віны, і пакінула прысуд раённага суда без змены.
Мужчына — кіроўца аднаго з прадпрыемстваў Кобрына, раней не судзімы.
Цяпер чытаюць
Калеснікава: Я не разумею, чаму Еўропа не пачала перамовы з Лукашэнкам раней за ЗША7
Каментары