Улады Турцыі абвясцілі, што ў пятніцу расійскі знішчальнік-бамбардзіроўшчык Су-34 парушыў турэцкую паветраную прастору, і выказалі абурэнне такімі «безадказнымі паводзінамі».
«Су-34, які належыць ВПС Расійскай Федэрацыі, парушыў паветраную прастору Турцыі ў 11:46 па мясцовым часе ўчора (у пятніцу)», — гаворыцца ў афіцыйнай заяве турэцкага міністэрства замежных спраў.
Згодна з турэцкім МЗС, экіпаж Су-34 не рэагаваў на папярэджанні на рускай і англійскай мовах.
У сувязі з гэтым інцыдэнтам МЗС Турцыі выклікала расійскага пасла «для выказвання пратэсту і абурэння».
У заяве турэцкага міністэрства сказана, што гэта парушэнне з'яўляецца выразным сігналам таго, што Расія хоча ўскладніць і без таго няпростыя адносіны паміж дзвюма краінамі.
Адносіны паміж Расіяй і Турцыяй абвастрыліся пасля таго, як у канцы лістапада турэцкія ВПС збілі расійскі бамбавік Су-24 на турэцка-сірыйскай мяжы. Турэцкі бок патлумачыў гэта тым, што ён уварваўся ў яе паветраную прастору. Расійскія ўлады гэта адмаўляюць; прэзідэнт Уладзімір Пуцін назваў гібель самалёта «ударам у спіну».
Расія ў адказ ўвяла эмбарга на імпарт турэцкіх тавараў — галоўным чынам прадуктаў харчавання, а таксама забараніла продаж турыстычных пуцёвак у Турцыю і ўвяла візы для грамадзян гэтай краіны.
Цяпер чытаюць
«На канцэртах няма месца радыкальнаму нацыяналізму, агрэсіі і гвалту». Макс Корж выказаўся наконт скандалу, які разгарэўся пасля яго выступу ў Варшаве3737
Каментары