У Мінску спынілі дзейнасць групы, якая некалькі гадоў праводзіла незаконныя фінансавыя аперацыі з выкарыстаннем рэквізітаў ілжэпрадпрымальніцкіх структур. Замоўцамі такіх паслуг выступалі кампаніі рэальнага сектара эканомікі, паведамляе прэс-служба Камітэта дзяржкантролю.
У дачыненні да арганізатараў і ўдзельнікаў злачыннай групы, а таксама замоўцаў іх паслуг (службовых асоб прадпрыемстваў) распачата 15 крымінальных спраў. З іх чатырнаццаць — па ч. 1 і 2 арт. 243 (Ухіленне ад выплаты падаткаў), яшчэ адно па ч. 3 арт. 233 Крымінальнага кодэкса Беларусі (Незаконная прадпрымальніцкая дзейнасць).
Затрымана 16 фігурантаў крымінальных спраў. Пазней 8 з іх былі заключаныя пад варту. Пры гэтым падчас расследавання ад супрацоўнікаў іншых беларускіх кампаній, якія карысталіся паслугамі лжэструктур, паступіла 10 явак з пакаяннем па фактах ухілення ад выплаты падаткаў.
Удакладняецца, што група грамадзян (жыхары Мінска) выступала ад імя падкантрольных ім 29 фіктыўных кампаній. Выкарыстоўваючы гэтыя рэквізіты, пячаткі і рахункі, яны аказвалі паслугі па правядзенні незаконных аперацый: абмене безнаяўных сродкаў на наяўныя (і наадварот), перанакіраванне фінансавых патокаў. Кліентамі выступалі кампаніі рэальнага сектара эканомікі.
У схеме было задзейнічана мноства ўдзельнікаў, мелася дакладнае размеркаванне роляў і добрая тэхнічная база, распавялі ў КДК. Адносіны паміж «выканаўцам» і «кліентам» вяліся праз пасярэднікаў.
«Асаблівасцю з'яўлялася тое, што ў мэтах утойвання часткі здзелак з ілжэструктурамі ўжываліся дамовы пераводу доўгу і саступкі патрабаванням, пры якіх безнаяўныя грашовыя сродкі за нібыта набыты і рэалізаваны тавар паступалі з разліковых рахункаў суб'ектаў гаспадарання рэальнага сектара эканомікі», — удакладнілі ў камітэце.
Работнікі фінансавай міліцыі правялі больш за 80 ператрусаў. На маёмасць падазраваных (грошы, нерухомасць, аўтамабілі) накладзены арышт на агульную суму больш за 6,5 мільярда рублёў. Гэта больш за 310 тысяч даляраў па актуальным курсе.
Акрамя таго, прыпыненыя расходныя аперацыі на рахунках кліентаў ілжэструктур (заблакаванымі аказаліся звыш за 3,5 млрд рублёў).
Былога супрацоўніка контрразведкі КДБ арыштавалі за здраду дзяржаве9
Каментары