Пераход на поўную кампенсацыю тарыфаў на жыллёва-камунальныя паслугі насельніцтвам плануецца ажыццявіць да канца 2018 года. Пра гэта заявіў сёння міністр эканомікі Беларусі Уладзімір Зіноўскі на Прэзідыуме Савета Міністраў, на якім абмяркоўваўся праект праграмы дзейнасці ўрада на 2016—2020 гады.
«Зніжэнне затрат на жыллёва-камунальныя паслугі ў 2016 годзе запланавана на 15 працэнтаў і далей да 2020 года па 5 працэнтаў штогод. Кампенсацыю тарыфаў на ЖКП насельніцтвам плануецца ажыццявіць у тры этапы: канец 2016 года — выхад на 50 працэнтаў кампенсацыі затрат, канец 2017 года — на 75 працэнтаў, да канца 2018 года — на 100 працэнтаў», — адзначыў Уладзімір Зіноўскі. Гэтыя працэсы будуць праходзіць ва ўвязцы са зніжэннем сабекошту і перакрыжаванага субсідавання, ростам адраснай сацыяльнай падтрымкі.
Міністр канстатаваў, што сістэмнай задачай 2016 года з'яўляецца ўкараненне мэтавых адрасных безнаяўных субсідый на аплату жыллёва-камунальных паслуг.
Асудзілі мазырскага блогера Union Bell. Хлопец некалькі гадоў хаваўся, але пасля арышту бацькі быў вымушаны звярнуцца ў бальніцу8
Асудзілі мазырскага блогера Union Bell. Хлопец некалькі гадоў хаваўся, але пасля арышту бацькі быў вымушаны звярнуцца ў бальніцу
«Я супраць. Мовы, якія пакінулі пасля сябе каланізатары ў Афрыцы, сталі шляхам да цывілізацыі». Алексіевіч адказала, як ставіцца да адмовы ад рускай мовы ва Украіне8888
Каментары