Пра гэта гаворыцца ў адказе начальніка сьледчага аддзела пракуратуры Мінска Сяргея Іванова.
Як гаворыцца ў адказе за подпісам начальніка следчага аддзела пракуратуры Мінска Сяргея Іванова, атрыманым на адозву грамадскага аб’яднання «Беларуская асацыяцыя журналістаў» (БАЖ), вобыскі «былі праведзены абгрунтавана і ў адпаведнасці з законам».
Таксама ў адказе з пракуратуры пацвярджаецца, што аператыўныя мерапрыемствы прайшлі ў межах расследавання крымінальнай справы, распачатай у 2005 годзе Мінскай гарадской пракуратурай па факце паклёпу на прэзідэнта.
Нагадаем, 27 і 28 сакавіка вобыскі прайшлі па ўсёй краіне ў кватэрах больш чым 20 журналістаў, большасць з якіх супрацоўнічаюць са СМІ, якія вяшчаюць на тэрыторыю Беларусі з‑за мяжы, — гэта «Радыё Рацыя», «Еўрапейскае радыё для Беларусі», тэлеканал «Белсат». У іх была канфіскавана тэхніка, у тым ліку носьбіты інфармацыі.
2 красавіка БАЖ звярнулася да генеральнага пракурора Беларусі Рыгора Васілевіча, пракурора Мінска Мікалая Куліка і кіраўніка КДБ Юрыя Жадобіна. У адозве выказана сумненне, што вобыскі і канфіскацыя маёмасці праводзіліся на «дастатковых і законных падставах».
«Выклікае здзіўленне тое, што ў працэсе вобыскаў забіраліся не толькі камп’ютэры і сістэмныя дыскі — носьбіты інфармацыі, але і рэчы, якія не маюць ніякага дачынення да справы: навушнікі, дынамікі, дыктафоны, фотаапараты, розная друкаваная прадукцыя легальнага характару», — гаворыцца ў адозве.
Цяпер чытаюць
Дзе Мікалай Статкевіч? З мяжы яго забралі невядомыя ў масках. Вось, што вядома на гэты момант15
Каментары