У Бярозаўскім раёне 16 сакавіка здарыўся пажар у машынным аддзяленні электравоза пасажырскага цягніка № 607 Мінск — Брэст.
Як паведаміў прэс-сакратар Брэсцкага абласнога ўпраўлення МНС Сяргей Машноў, інфармацыя аб здарэнні каля вёскі Кабакі на перагоне паміж чыгуначнымі станцыямі Бяроза-Картузская і Аранчыцы ў 16.58 паступіла бярозаўскім ратавальнікам.
Загаранне ліквідавана супрацоўнікамі чыгункі вуглекіслотнымі вогнетушыцелямі да прыбыцця да месца выкліку падраздзяленняў МНС. Пацярпелых няма. Агнём пашкоджана электраправодка ў блоку сілавых установак электравоза.
Пасажырскі цягнік у складзе шасці вагонаў належыць Беларускай чыгунцы. У цягніку знаходзіліся 283 пасажыры і 13 чалавек абслуговага персаналу (12 праваднікоў, начальнік цягніка).
У 17.20 да месца спынення цягніка быў накіраваны манеўровы цеплавоз. У 17.55 састаў разам з пасажырамі паехаў да станцыі прызначэння Брэст-Цэнтральны.
Затрымка руху цягніка склала 80 хвілін. Спыненне электрацягніка не парушыла руху іншых саставаў у гэтым кірунку.
Цяпер чытаюць
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі9
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі
«Незалежнасць не падае з неба і не даецца назаўсёды. Яе трэба абараняць». Ціханоўская выступіла з заявай да 35-годдзя прыняцця Дэкларацыі аб суверэнітэце3838
Каментары