Як стала вядома «Нашай Ніве», некалькі дзён таму затрымалі беларускага байца батальёна «Азоў», 20-гадовага віцебчука Стаса.
Гэтую інфармацыю пацвердзілі ў «Азове».
Прозвішча Стаса мала каму вядомае, у «Азове» ён служыў пад пазыўным «Беларус» і не афішаваў сябе, не даваў інтэрв'ю.
Але сярод саслужыўцаў меў вялікі аўтарытэт праз сваю бескампраміснасць.
«Ён заўсёды быў на перадавой, бескампрамісны, смелы», — так нам яго апісалі ў «Азове».
«Ён збіраўся ехаць у Беларусь, казаў, што яму тут усё абрыдла, хоць і кіраваў тут узводам маладых. Казаў, маўляў, я не магу, як хачу дахаты. Яго адгаворвалі, канечне, казалі: табе ж канец там. Але ён, можа, думаў, што яго не пазнаюць і не пасадзяць. І праўда, дні чатыры ён выходзіў на сувязь з Беларусі, а потым усё, знік. Яшчэ праз дзень паведаміў, што яго «прынялі», і ўся інфармацыя, якая можа ісці цяпер ад яго імя, будзе правакацыяй», — распавялі нам таксама ў «Азове».
Дарэчы, мінулым летам, падчас размовы з карэспандэнтам «Нашай Нівы», інструктар трэніровачнай базы «Азова» з пазыўным «Іваноў» узгадваў пра «Беларуса», адзначаючы, што той стаў легендай у батальёне.
«Таксама цяпер на ўсходзе ваюе хлопец з вашых, не памятаю пазыўны, — апісваў яго «Іваноў». — Карацей, ён выбіў сабе на галаве татуіроўку «Тэрор-машына» і наводзіць жах на «сепараў». Хлопцы казалі, што падчас бою ў Шырокіне армія адступала і пакінула боекамплект. Дык калі «Азоў» наступаў, то гэты беларус некалькі тысяч патронаў адзін выстральнуў, адцягваючы на сябе агонь «сепараў», пакуль нашыя іх з бакоў абыходзілі. Потым палонныя казалі, што яны думалі, што там чалавек 10 па іх страляе — так хутка «тэрор-машына» пазіцыі мяняў. Пры гэтым яму гадоў 20, здаецца».
Са старонкі «Беларуса» «УКантакце» вынікае, што той прытрымліваўся неанацысцкіх поглядаў.
На грудзях у яго набіта 88 — гэта лічбавая абрэвіятура, якая азначае «Хайль Гітлер».
З іншага боку — герб асаблівага батальёну СС «Дзірлевангер».
За часамі Трэцяга Рэйху ў гэты батальён набіралі злачынцаў-рэцыдывістаў наўпрост з турмаў.
На тэрыторыі Беларусі байцы СС «Дзірлевангер» вылучаліся крайняй жорсткасцю, узяўшы ўдзел у дзясятках карных аперацый.
У прыватнасці, менавіта СС «Дзірлевангер» праводзіў аперацыю «Чароўная флейта», мэтай якой было «забіць волю да супраціву» ў мінчукоў і вывезці дужэйшых на прымусовыя работы ў Германію.
Апроч таго, у «заслугах» гэтага батальёну — тысячы жыццяў беларусаў.
ССаўцы «Дзірлевангера» выразалі ў Заходняй і Цэнтральнай Беларусі цэлыя вёскі, спальваючы жыхароў.
Лазараў Бор, Глухое Пярхурава, Любажанка, Валкоўшчына, Подар: гэтыя і дзясяткі іншых мястэчак не падняліся з попелу праз зверствы тых, хто на сваіх кіцелях насіў той жа самы знак, што і 20-гадовы Стас на сваёй скуры.
Апроч таго, «УКантакце» азовец «Беларус» мае нікнэйм сугучны з імём аднаго з брыгадэфюрэраў СС.
Пакуль невядома, якое абвінавачванне яму можа быць высунута.
«Я ўжо думаю, як там нам на гэтым сонцы пастаяць». Лукашэнка падзяліўся з Пуціным страхам перад заўтрашнім парадам21
«Я ўжо думаю, як там нам на гэтым сонцы пастаяць». Лукашэнка падзяліўся з Пуціным страхам перад заўтрашнім парадам
Зніклы Анатоль Котаў быў партнёрам самага высокапастаўленага беларускага разведчыка, які пераехаў у Польшчу. Тут можа быць ключ да разгадкі яго знікнення7979
Зніклы Анатоль Котаў быў партнёрам самага высокапастаўленага беларускага разведчыка, які пераехаў у Польшчу. Тут можа быць ключ да разгадкі яго знікнення79
«З татам вырашылі: наспеў час вучыцца па-беларуску». Жанчына расказала, як у 80-я гады ездзіла за 20 кіламетраў ад Мінска дзеля адукацыі на роднай мове33
Каментары