У прыватным цэнтры «Экамедсэрвіс» у Мінску раніцай 22 красавіка памёр чалавек.
Як паведаміў БелаПАН сведка — пацыентка медцэнтра, каля 10.00 у холе «Экамедсэрвіса» ляжаў накрыты прасціной чалавек, побач знаходзіліся дактары і міліцыянер.
На пытанне, што адбылося, адна з супрацоўніц клінікі адказала, што мужчына памёр ад сардэчнага прыступу.
Адміністрацыя «Экамедсэрвіса» ад каментарыяў адмаўляецца.
Высветлілася, што памерлы — жыхар Рэчыцы 1952 года нараджэння.
Як паведаміў БелаПАН прэс-афіцэр УУС Кастрычніцкага раёна Мінска Леанід Ушэнін, мужчына прыехаў у Мінск са сваёй знаёмай, каб прайсці абследаванне ў медцэнтры. Падчас чакання прыёму ў калідоры мужчыну стала дрэнна. «Медыкі спрабавалі яго выратаваць, але ў 8.05 зафіксавалі смерць», — адзначыў прэс-афіцэр.
Паводле папярэдняй інфармацыі, гэта здарэнне не носіць крымінальнага характару — мяркуецца, што мужчына памёр ад трамбозу. «Канчатковыя высновы будуць зробленыя пасля правядзення судмедэкспертызы», — дадаў Ушэнін.
Цяпер чытаюць
Мінгарвыканкам пра вулічнае асвятленне: Гэта была разавая акцыя. Сёння ўключаць а 18-й8
Мінгарвыканкам пра вулічнае асвятленне: Гэта была разавая акцыя. Сёння ўключаць а 18-й
Агентка Кардаш выкарыстоўвала сэкс, каб збіраць інфармацыю пра каліноўцаў і завербаваць украінскага камандзіра. А куратару КДБ пісала пра яго: «Мой лох»3535
Каментары