У Мінску з 11 мая па 16 чэрвеня магчымыя затрымкі і змены ў працы аўтобусных маршрутаў
У Мінску ў сувязі з рэпетыцыяй парада войскаў Мінскага гарнізона на аэрадроме Ліпкі магчымыя затрымкі і змены ў працы шэрагу аўтобусных маршрутаў — №№ 31, 86, 155, 306, 25, 64, 145С, 399, паведаміла дзяржпрадпрыемства «Мінсктранс».
Нагадаем, трэніроўкі праводзяцца напярэдадні Дня незалежнасці Рэспублікі Беларусь, які афіцыйна адзначаецца 3 ліпеня, у дзень вызвалення Беларусі ад нямецка-фашысцкіх захопнікаў.
З 11 мая па 16 чэрвеня па вуліцах Заснавальнікаў і Ф.Скарыны, МКАД, вуліцы Ліпкаўскай будзе перасоўвацца тэхніка механізаванай калоны.
У сувязі з гэтым уводзяцца часовыя абмежаванні руху ўсіх відаў транспарту (каля 40 хвілін з пачатку перамяшчэння або вяртання калоны): 11 мая ў 14.00, 18, 19, 25, 26 мая, 8, 9, 15, 16 чэрвеня ў 7.00, 12, 17, 24, 31 мая, 7, 14 чэрвеня ў 5.30. На час вяртання з аэрадрома Ліпкі: 11 мая ў 18.00, 17, 18, 24, 25 мая, 7, 8, 14, 15 чэрвеня ў 20.00, 12, 19, 26 мая, 9, 16 чэрвеня ў 20.00.
Хто з беларусаў трапіў на прыём да прэзідэнта Польшчы ШМАТ ФОТА10
Каментары