На платформе change.org распачаты збор подпісаў пад зваротам да кіраўніцтва кампаніі МТС.
Аўтары петыцыі патрабуюць аднавіць беларускую версію афіцыйнага сайта МТС і зрабіць яе паўнавартаснай.
«Мала таго, што былі хібы (памылкі друку, недакладнасці ў тэрміналогіі і інш.) у перакладзе, дык яшчэ і шмат чаго прапаноўвалася абаненту толькі на рускай мове. Склалася такое ўражанне, што пераклад на беларускую мову быў зроблены для «птушачкі». Маўляў мы зрабілі так як зрабілі, а вы там хочаце карыстайцеся, хочаце не…» — адзначана ў звароце.
«Зусім іншая сітуацыя з сайтам украінскага аператара МТС. Сайт адразу (!!!) прапануе карыстацца ўкраінскай мовай. Вядома, што можна выбраць магчымасць змяніць мову на рускую. І ўсе старонкі перакладзены на 100%. Дык што замінае зрабіць тое ж самае для беларускага сайта МТС?» — гучыць пытанне да кіраўніцтва СТАА «Мабільныя ТэлеСістэмы».
Беларускамоўныя карыстальнік МТС просяць укараняць іншыя метады, скіраваныя на пашырэнне выкарыстання беларускай мовы ў кампаніі (буклеты з тарыфамі, артыкулы ў часопісе «АЛЛО» і г.д.), і спадзяюцца, што петыцыю падтрымаюць іншыя карыстальнікі, а «кіраўніцтва кампаніі МТС зразумее, што беларуская мова мае такія ж роўныя правы на існаванне як і руская».
Далучыцца да петыцыі можна тут.
Каментары