Праваабаронцы-вясноўцы вяртаюцца ў офіс, які ўлады канфіскавалі пяць гадоў таму
Закрыты ўладамі праваабарончы цэнтр «Вясна» прыняў рашэнне вярнуцца ў офіс на праспекце Незалежнасці, 78А. Гэтую кватэру ўлады канфіскавалі ў 2011 годзе, калі старшыні арганізацыі Алесю Бяляцкаму быў вынесены абвінаваўчы прысуд — ён з'яўляўся ўласнікам кватэры. Днямі праваабаронцы вярнуліся ў стары офіс і правялі там сустрэчу з прадстаўнікамі Amnesty international.
Прычынай правядзення сустрэчы ў гэтым месцы стала прынятае на днях Радай арганізацыі рашэнне аб аднаўленні працы ў гэтым памяшканні, адзначаецца на сайце spring96.org. У лістападзе 2012 года ўся маёмасць арганізацыі, якая знаходзілася ў офісе, была канфіскаваная і вывезеная судовымі выканаўцамі, а памяшканне, якое да гэтага часу знаходзіцца пад арыштам, апячатана.
Праваабарончы цэнтр «Вясна» і міжнародная супольнасць не прызнаюць законнасць пераследу Алеся Бяляцкага і настойваюць на яго поўнай рэабілітацыі. У сувязі з гэтым было прынята рашэнне выкарыстаць арыштаванае і канфіскаванае памяшканне офіса для праваабарончых мэтаў.
Як паведаміла прадстаўніца «Вясны» Таццяна Равяка, арганізацыя часткова пераедзе ў кватэру на праспекце Незалежнасці, частка каманды застанецца працаваць у цяперашнім офісе па вуліцы Мяржынскага. У старым офісе, акрамя «Вясны», будуць прадстаўлены «Беларускі дакументацыйны цэнтр» і «Цэнтр даследавання грамадзянскай супольнасці Беларусі» (абедзве арганізацыі зарэгістраваныя ў Літве).
Цяпер чытаюць
«Я не прысвойваў сабе мільён». 17‑гадовы блогер з Гродна, які збіраў грошы на лячэнне дзіцяці, распавядае сваю версію7
«Я не прысвойваў сабе мільён». 17‑гадовы блогер з Гродна, які збіраў грошы на лячэнне дзіцяці, распавядае сваю версію
«Я супраць. Мовы, якія пакінулі пасля сябе каланізатары ў Афрыцы, сталі шляхам да цывілізацыі». Алексіевіч адказала, як ставіцца да адмовы ад рускай мовы ва Украіне7474
«Я супраць. Мовы, якія пакінулі пасля сябе каланізатары ў Афрыцы, сталі шляхам да цывілізацыі». Алексіевіч адказала, як ставіцца да адмовы ад рускай мовы ва Украіне74
«Як Вольскі прыходзіў з ператрусам да Коласа, а Крапіва і Глебка даносілі на калег». Апублікаваныя жахлівыя ўспаміны Рыгора Бярозкіна пра рэпрэсіі 1920—1940-х1818
Каментары