Здарэнні33

Жыхар Бабруйска атрымаў пажыццёвае за забойства жанчыны і дзіцяці

Магілёўскі аблсуд прыгаварыў да пажыццёвага зняволення 39-гадовага жыхара Бабруйска, абвінавачанага ў мінулым годзе ў забойстве ў Глускім раёне 28-гадовай бабруйчанкі і яе сямігадовага сына.

Трупы жанчыны і дзіцяці былі знойдзеныя 26 снежня 2015 года ў адным з дамоў у вёсцы Заполле. Паводле папярэдніх дадзеных следства, смерць абодвух наступіла ад шматлікіх колата-рэзаных і агнястрэльных раненняў. На месцы трагедыі знаходзіўся і сам падазраваны ў стане моцнага алкагольнага ап'янення.

Як паведамілі ў Магілёўскім абласным судзе, з вечара 25 снежня да раніцы 26 снежня 2015 года абвінавачваны, знаходзячыся ў стане алкагольнага ап'янення, падчас сваркі з пацярпелай пасля сумеснага ўжывання спіртных напояў, нанёс ёй нажом, рукамі і нагамі, абутымі ў гумовыя боты, а таксама прыкладам паляўнічай стрэльбы не менш як 57 удараў па розных частках цела, ад якіх жанчына памерла на месцы.

Затым, як высветліў суд, мужчына ўдарыў нажом у грудзі дзіця, а таксама прыцэльна стрэліў у хлопчыка з двухствольнай паляўнічай стрэльбы. Дзіця памерла на месцы.

У ноч на 26 снежня абвінавачваны таксама стрэліў у акно суседняга дома, і, зайшоўшы ў суседскі двор, стрэльбай разбіў шкло ў адным з вокнаў. Калі сусед, які выйшаў з дома, паспрабаваў адабраць у мужчыны стрэльбу, ён некалькі разоў ударыў гаспадара домаўладання па шыі і галаве, прычыніўшы лёгкія цялесныя пашкоджанні, якія не пацягнулі кароткачасовага расстройства здароўя.

Суд прызнаў падсуднага вінаватым у забойстве двух асоб, у тым ліку заведама малалетняга, а таксама ў асабліва злосным хуліганстве, і прыгаварыў да пажыццёвага зняволення ў папраўчай калоніі асаблівага рэжыму.

28 кастрычніка прысуд набыў законную моц.

Каментары3

 
Націсканне кнопкі «Дадаць каментар» азначае згоду з рэкамендацыямі па абмеркаванні.

Цяпер чытаюць

На перадсмяротным відэа з калоніі насамрэч быў не Вітольд Ашурак. З'явіліся новыя падрабязнасці смерці палітвязня27

На перадсмяротным відэа з калоніі насамрэч быў не Вітольд Ашурак. З'явіліся новыя падрабязнасці смерці палітвязня

Усе навіны →
Усе навіны

У Азербайджане выкладчыка асудзілі на 15 гадоў за перапіску з армянамі2

«Людзі ідуць у мячэці, а не лечаць псіхічныя хваробы». Беларускі псіхіятр расказаў аб працы ва Узбекістане і ў Польшчы16

Тэлебачанне Ірана паведаміла пра пачатак спынення агню1

На вайне ва Украіне загінуў 61-гадовы глыбачанін. Ён ваяваў за Расію17

У выніку начной атакі на Сумшчыну загінулі тры чалавекі, шасцёра параненых

Чаму цяпер уся ўвага накіравана на Армузскі праліў — 150-кіламетровую паласу, якая ўплывае на сусветныя цэны на нафту

Беларусы Даніла Клімовіч і Мікіта Талапіла выйгралі Кубак Колдэра1

Трамп заявіў аб спыненні агню паміж Іранам і Ізраілем6

Кітайскія даследчыкі прадэманстравалі дрон памерам з камара

больш чытаных навін
больш лайканых навін

На перадсмяротным відэа з калоніі насамрэч быў не Вітольд Ашурак. З'явіліся новыя падрабязнасці смерці палітвязня27

На перадсмяротным відэа з калоніі насамрэч быў не Вітольд Ашурак. З'явіліся новыя падрабязнасці смерці палітвязня

Галоўнае
Усе навіны →

Заўвага:

 

 

 

 

Закрыць Паведаміць