Mahiloŭski abłsud pryhavaryŭ da pažyćciovaha źniavoleńnia 39-hadovaha žychara Babrujska, abvinavačanaha ŭ minułym hodzie ŭ zabojstvie ŭ Hłuskim rajonie 28-hadovaj babrujčanki i jaje siamihadovaha syna.
Trupy žančyny i dziciaci byli znojdzienyja 26 śniežnia 2015 hoda ŭ adnym z damoŭ u vioscy Zapolle. Pavodle papiarednich dadzienych śledstva, śmierć abodvuch nastupiła ad šmatlikich kołata-rezanych i ahniastrelnych ranieńniaŭ. Na miescy trahiedyi znachodziŭsia i sam padazravany ŭ stanie mocnaha ałkaholnaha apjanieńnia.
Jak paviedamili ŭ Mahiloŭskim abłasnym sudzie, ź viečara 25 śniežnia da ranicy 26 śniežnia 2015 hoda abvinavačvany, znachodziačysia ŭ stanie ałkaholnaha apjanieńnia, padčas svarki z paciarpiełaj paśla sumiesnaha ŭžyvańnia śpirtnych napojaŭ, nanios joj nažom, rukami i nahami, abutymi ŭ humovyja boty, a taksama prykładam palaŭničaj strelby nie mienš jak 57 udaraŭ pa roznych častkach cieła, ad jakich žančyna pamierła na miescy.
Zatym, jak vyśvietliŭ sud, mužčyna ŭdaryŭ nažom u hrudzi dzicia, a taksama prycelna streliŭ u chłopčyka z dvuchstvolnaj palaŭničaj strelby. Dzicia pamierła na miescy.
U noč na 26 śniežnia abvinavačvany taksama streliŭ u akno susiedniaha doma, i, zajšoŭšy ŭ susiedski dvor, strelbaj raźbiŭ škło ŭ adnym z voknaŭ. Kali susied, jaki vyjšaŭ z doma, pasprabavaŭ adabrać u mužčyny strelbu, jon niekalki razoŭ udaryŭ haspadara domaŭładańnia pa šyi i hałavie, pryčyniŭšy lohkija cialesnyja paškodžańni, jakija nie paciahnuli karotkačasovaha rasstrojstva zdaroŭja.
Sud pryznaŭ padsudnaha vinavatym u zabojstvie dvuch asob, u tym liku zaviedama małaletniaha, a taksama ŭ asabliva złosnym chulihanstvie, i pryhavaryŭ da pažyćciovaha źniavoleńnia ŭ papraŭčaj kałonii asablivaha režymu.
28 kastryčnika prysud nabyŭ zakonnuju moc.
Kamientary