Былы прэм'ер-міністр Беларусі Сяргей Сідорскі можа вярнуцца ў высокія ўладныя кабінеты. Пра гэта TUT.BY распавялі некалькі інфармаваных крыніц.
62-гадовы ўраджэнец Гомеля мае багаты досвед кіраўніцтва Гомельскім заводам радыётэхналагічнага аснашчэння і мясцовым аблвыканкамам. У 2001 годзе пераехаў у Мінск на працу ва ўрад. Займаў пасады намесніка (2001-2002) і першага намесніка (2002-2003) прэм'ер-міністра. Затым да 27 снежня 2010 года ўзначальваў Савет міністраў. Апошнія гады з'яўляецца міністрам па прамысловасці і аграпрамысловым комплексе Еўразійскай эканамічнай камісіі (ЕЭК). Даволі часта наведвае розныя буйныя мерапрыемствы ў Беларусі.
«Кажуць, пайшло пісьмо [у ЕЭК] па адклiканні Сідорскага. Зараз [ва ўрадзе] патрэбен моцны гаспадарнік, здольны выразна фармуляваць пазіцыю», — сказаў адзін з суразмоўцаў.
Паводле яго інфармацыі, Сідорскаму прадракаюць пасаду кіраўніка Адміністрацыі прэзідэнта.
«Так, ёсць такія размовы», — пацвердзіў інфармацыю аб магчымым вяртанні Сідорскага ў Мінск знаёмы былога прэм'ера, але адмовіўся ад іншых каментароў.
«Давайце не прыспешваць падзеі. Бо чуткі пра гэта перыядычна ўзнікалі раней, то Сяргей Сяргеевіч заставаўся там, дзе ёсць цяпер», — дадаў ён.
Суразмоўцы адзначаюць, што другі тэрмін Сяргея Сідорскага ў руля ўрада выпаў на перыяд лібералізацыі і дыялогу Беларусі з Еўропай. Разам з тым у яго наладжаны добрыя кантакты з першымі асобамі Расіі. «Цяпер [афіцыйнаму Мінску] як ніколі патрэбны чалавек з такім досведам», - мяркуюць крыніцы.
Варта сказаць, што аб магчымым адкліканні беларускіх спецыялістаў з ЕЭК Аляксандр Лукашэнка намякаў 20 верасня на сустрэчы з дзяржсакратаром Саюзнай дзяржавы Рыгорам Рапотам.
«Мы зараз вельмі ўважліва аналізуем наш удзел, перш за ўсё, у Еўразійскім эканамічным саюзе. Калі так будзе працягвацца — навошта нам там трымаць кучу чыноўнікаў? Там, па-мойму, ужо каля тысячы ў так званым ўрадзе ў ЕАЭС. І які вынік? Навошта плаціць грошы на ўтрыманне ў Маскве высакакласных спецыялістаў? Мы лепшых туды аддалі. Мы ім знойдзем працу тут, а тое, што там будуць прымацца рашэнні, мы з імі пагодзімся, таму што іх практычна няма. Мы парушаем ўсё, пра што дамовіліся», - казаў Лукашэнка, каментуючы нафтагазавую спрэчку Мінска і Масквы.
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі37
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі
«Незалежнасць не падае з неба і не даецца назаўсёды. Яе трэба абараняць». Ціханоўская выступіла з заявай да 35-годдзя прыняцця Дэкларацыі аб суверэнітэце4545
Каментары