Адкрыйце свае таемныя інстынкты: у Сілічах стартавалі гонкі з перашкодамі «Bison Race» ФОТА
Гэта даволі вясёлы занятак, і асноўная маса ўдзельнікаў прыязджае сюды з задавальненнем правесці час, адзначаюць арганізатары. І насамрэч гэта так, пацвярджае фатограф Сяргей Зінін.
Спаборніцтвы па гонках з перашкодамі «Bison Race» праходзяць з 19 па 20 лістапада ў Рэспубліканскім гарналыжным цэнтры «Сілічы». Удзельнікі забегаў пераадольваюць розныя прыродныя і штучныя перашкоды.
«Экстрым бег зарадзіўся яшчэ на золаку цывілізацыі, калі чалавеку трэба было ў літаральным сэнсе змагацца за сваё жыццё, каб пракарміць і абараніць сябе», — адзначаюць арганізатары спаборніцтваў.
«Bison Race» — адзін з кваліфікацыйных стартаў да Чэмпіянату свету, які адбудзецца ў кастрычнiку 2017 ў Канадзе.
Сёння, 19 лістапада, прайшлі спаборніцтвы ў катэгорыях:
- элітны забег у мужчын і жанчын,
- забег мужчынскіх і жаночых узроставых груп ад 16 да 29 гадоў,
- забег мужчынскіх і жаночых узроставых груп 30+.
У забегах удзельнічала больш за 200 спартсменаў. Яны прыехалі з многіх гарадоў Беларусі і Расіі. Вынікі «Bison Race» тут.
У індывідуальным забегу даўжыня трасы не менш за 8000 м, колькасць перашкод не менш за 30. У камандным — траса не менш за 5000 м, перашкод не менш за 25. Каманда складаецца з 4 і больш удзельнікаў, у ёй павінна быць як мінімум адна жанчына .
Усе ўдзельнікі спаборніцтваў на фінішы атрымліваюць памятныя медалі. У элітным забегу 1, 2, 3 месцы сярод мужчын і жанчын ўзнагароджваюцца медалямі і грашовымі прызамі: 1 месца — 500 руб., 2 месца — 200 руб., 3 месца — 100 руб.
Заўтра, 20 лістапада, адбудуцца дзіцячы забег, да якога дапускаюцца дзеці ва ўзросце ад 4 па 11 гадоў (пераможцаў узнагародзяць каштоўнымі прызамі і медалямі) і камандны забег. Пераможцы каманднага забегу ўзнагароджваюцца каштоўнымі сертыфікатамі на экіпіроўку Reebok на суму 500, 300 і 200 руб. за 1, 2, 3 месца адпаведна.
Цяпер чытаюць
Асудзілі мазырскага блогера Union Bell. Хлопец некалькі гадоў хаваўся, але пасля арышту бацькі быў вымушаны звярнуцца ў бальніцу8
Асудзілі мазырскага блогера Union Bell. Хлопец некалькі гадоў хаваўся, але пасля арышту бацькі быў вымушаны звярнуцца ў бальніцу
«Я супраць. Мовы, якія пакінулі пасля сябе каланізатары ў Афрыцы, сталі шляхам да цывілізацыі». Алексіевіч адказала, як ставіцца да адмовы ад рускай мовы ва Украіне8888
Каментары