Праверка па публікацыі НН пра Касцюковічы скончаная: старшыняў СВК прымусяць вярнуць грошы
У Рэдакцыю прыйшоў адказ з Камітэта дзяржаўнага кантролю што да сітуацыі ў Касцюковіцкім раёне, пра якую раней пісала «Наша Ніва».
Чытайце «Бо я яму ні храна і ён мне ні храна»: феадалізм у асобна ўзятым Касцюковіцкім раёне.
У адказе гаворыцца, што «разглядаецца пытанне аб прыцягненні вінаватых да адміністрацыйнай адказнасці, праваахоўнымі органамі даецца прававая ацэнка дзеянням пасадавых асоб».
Фармулёўкі досыць расплывістыя, але іх «Нашай Ніве» патлумачыла крыніца, блізкая да расследавання Дзяржкантроля.
«Па сутнасці, вынікі нашай праверкі такія — знойдзены парушэнні ў налічэннях прэмій, іншыя нюансы. У некаторых — не ўсіх — гаспадарках раёна сапраўды быў сур'ёзны бардак, і мы вымушаныя былі звярнуць увагу іншых службаў і аблвыканкама на іх дзейнасць. Што датычыць тых неабгрунтаваных — не ва ўсіх выпадках, зноў жа — прэмій, то старшыням СВК давядзецца вяртаць гэтыя грошы назад [у некаторыя месяцы заробкі кіраўнікоў даходзілі да 6000 рублёў новымі прытым што на некаторых фермах не было чым карміць кароў — НН]. Цяпер праваахоўныя органы — а гэта звычайна МУС і пракуратура — будуць вызначаць вінаватых у няправільным налічэнні прэмій, яны за гэта адкажуць. Што датычыць Малашанкі, то пра яго б багата казаць не хацелася — тут усё складана. Мы прыйшлі да высновы, што тут у большай меры быў сваяцкі канфлікт з Чаркасавым, ну і вы яшчэ гэта трохі так падалі… Ну і стыль ягонага кіравання не заўсёды быў дэмакратычным, хапала незадаволеных. Але да адказнасці ён прыцягвацца не будзе», — патлумачыла адказ нашая крыніца.
Таксама нам патлумачылі, што штрафы атрымаюць мноства фізічных і юрыдычных асобаў — у прыватнасці, два СВК, адзін з якіх «Дземідавіцкі» — фігураваў у расследаванні «Нашай Нівы» — ён будзе аштрафаваны на суму каля 5 тысяч беларускіх рублёў.
«Парадку тут дадалося, канечне, хочацца верыць, што ў суседніх раёнах таксама вынесуць урокі», — падсумавала крыніца.
«Забралі яго. Не кінеш жа, усё ж такі наш чалавек». Лукашэнка выказаўся пра Статкевіча17
«Забралі яго. Не кінеш жа, усё ж такі наш чалавек». Лукашэнка выказаўся пра Статкевіча
«У выніку ён сказаў мне: «Хопіць мяне шантажаваць, я хачу палюбавацца гэтымі дрэвамі». Аксана Колб расказала, пра што размаўляла са Статкевічам на мяжы88
Каментары