Расійскага каментатара Васіля Уткіна зноў «бамбанула» на тэму Беларусі
Новы галоўны трэнер маскоўскага ЦСКА Віктар Ганчарэнка звярнуўся да журналістаў і заўзятараў з просьбай пісаць ягонае прозвішча на расійскі манер як у пашпарце: «Ганчаренко», а не «Гончаренко».
Ганчарэнка — беларускі трэнер, які ўжо некалькі гадоў працуе ў Расіі. Ён узначальваў БАТЭ, «Кубань», «Урал», «Уфу». Літаральна ўчора ён стаў настаўнікам аднаго з найпапулярнейшых клубаў Расіі.
На просьбу Ганчарэнкі імгненна адрэагаваў расійскі каментатар Васіль Уткін. Ён перайменаваў твітар у «Восілій Уткін». «Цікава, па чыёй просьбе варта ламаць родную мову, калі пачаць слухацца футбольнага трэнера?» — задаецца пытаннем эксперт.
Интересно, по чьей просьбе имеет смысл ломать родной язык, если начать слушаться в этом вопросе тренера футбольной команды?) https://t.co/LBn1QV2xt7
«О да: Ганчаренко — тренер каней! — пазней адрэагаваў Уткін. — Віктар Ганчарэнка папярэдзіў, што будзе называць прэзідэнта клуба Яўхеніем».
О да: Ганчаренко - тренер каней!
Виктор Ганчаренко предупредил, что будет называть президента клуба Яухением.
«Васілій Уткін па-беларуску будзе Васіль Качкін», — зыранізавалі чытачы твітара.
Гэта не першы выпадак, калі Уткін ідзе ў палкія дыскусіі з беларусамі. У 2011 годзе ён напісаў, што Ганчарэнка павінен гарэць у пекле, калі трэнер БАТЭ на гульню з «Барселонай» выпусціў некалькі дублёраў. Пазней Уткін памірыўся з Ганчарэнкам. Аднак працягнуў перапалку з беларусамі, напрыклад, назваў беларусаў «кончанымі правінцыяламі», а краіну «Лесарубіяй».
Каментары