У ААТ «Беларуськалій» раскрылі акалічнасці няшчаснага выпадку на вытворчасці, які прывёў да смерці рабочага, — ён быў траўмаваны кавалкам горнай пароды.
«3 студзеня 2017 года ў 16.30 на 13-м паўночна-заходнім слупе гарызонту «-620 метраў» рудніка трэцяга рудаўпраўлення ў лаве № 10-в-3, пройдзенай ў складаных горна-геалагічных умовах, здарыўся няшчасны выпадак са смяротным зыходам з горнарабочым ачышчальнага забою падземнага горнага ўчастка № 8 Штылёвым У., 1965 г. н. Пасля выканання работ па разбіўцы негабарытных кавалкаў пароды на ставе забойнага канвеера, пры руху па горнай выпрацоўцы, здарылася адслаенне пароды з адпрацаванай прасторы лавы. У выніку падзення кавалка пароды работнік быў смяротна траўмаваны», — паведаміла прэс-служба «Беларуськалія».
Руднік і фабрыка трэцяга рудаўпраўлення працуюць у штатным рэжыме, тэхналагічны працэс не парушаны. «Беларуськалій» выказаў спачуванні родным і блізкім загінулага.
Салігорскім раённым аддзелам СК распачатая справа па факце парушэння правілаў бяспекі горных работ, што пацягнула па неасцярожнасці смерць чалавека (ч. 2 арт. 303 КК).
Гэтая гібель рабочага — першы афіцыйна пацверджаны няшчасны выпадак у кампаніі ў 2017 годзе. Летась на «Беларуськаліі» загінулі і былі траўмаваныя некалькі чалавек.
Топавы перакладчык паехаў у Беларусь мяняць пашпарт — і сеў за данаты. «КДБ паглядзеў на суму і вырашыў, што ніхто ў здаровым розуме не можа выдаткаваць столькі ўласных грошай»3
Топавы перакладчык паехаў у Беларусь мяняць пашпарт — і сеў за данаты. «КДБ паглядзеў на суму і вырашыў, што ніхто ў здаровым розуме не можа выдаткаваць столькі ўласных грошай»
Вайб-праграмаванне зменіць ролю распрацоўшчыка, RLVR, і калі лопне бурбалка. Беларус-інжынер у галіне ШІ, які працуе ў ЗША, расказаў, што нас чакае ў 202633
Каментары