Судовы камітэт Беларускай фэдэрацыі футболу пажыцьцёва дыскваліфікаваў арбітра ФІФА і найлепшага судзьдзю Беларусі Сяргея Шмоліка.
Паседжаньне прайшло ў аўторак, 15 ліпеня. Яно было прысьвечана інцыдэнту, што здарыўся падчас матчу нацыянальнага чэмпіянату паміж «Віцебскам»і «Нафтанам», што прайшоў 5 ліпеня.
Нагадаем, што рэфэры таго матчу Сяргей Шмолік судзіў матч п'яным. Пасьля гульні яго прымусілі прайсьці мэдыцынскае асьведчаньне, якое зафіксавала узровень алкаголю ў крыві роўны 2,6 праміле (цяжкая ступень ап’яненьня).
Судовы камітэт БФФ прыняў рашэньне пра пажыцьцёвую дыскваліфікацыю Сяргея Шмоліка.
Прессбол заўважае, што імя Шмоліка прагучала на ўвесь сьвет, а ягонае судзейства паказалі ўсе вядучыя каналы. Газэта нават прапануе тэст: набраць у google па ангельску «пъяны судзьдзя» (drunk referee). У абсалютнай большасьці выпадкаў усе спасылкі выводзяць на Шмоліка і матч Віцебск — Нафтан.
Арыштаваны 75‑гадовы Зміцер Санько — ветэран-выдавец3
Каментары