Англійскі футбаліст, былы паўабаронца лонданскага «Чэлсі» Фрэнк Лэмпард абвясціў пра завяршэнне кар'еры. Паводле яго слоў, яму паступілі добрыя прапановы ад клубаў у Англіі і з іншых чэмпіянатаў, але ён вырашыў у 38 гадоў «пачаць новы этап у сваім жыцці».
«Я вельмі ганаруся трафеямі, якія заваяваў, а таксама тым, што сыграў больш за 100 матчаў за сваю краіну і забіў за ўвесь час больш за 300 галоў», - гаворыцца ў заяве Лэмпарда, якое ён апублікаваў у фэйсбуку.
Лэмпард падзякаваў усім камандам, за якія выступаў, асабліва «Чэлсі», дзе паўабаронца правёў 13 гадоў. Ён адзначыў, што не змог бы дамагчыся поспеху без падтрымкі балельшчыкаў лонданскай каманды.
Фрэнк Лэмпард — адзін з самых вядомых англійскіх футбалістаў, найлепшы бамбардзір у гісторыі «Чэлсі» (211 галоў). У складзе лонданскага клуба ён тройчы станавіўся чэмпіёнам Англіі, а ў 2012 годзе выйграў Лігу чэмпіёнаў. Пасля сыходу з «Чэлсі» Лэмпард гуляў за «Нью-Ёрк Сіці» і «Манчэстэр Сіці».
Цяпер чытаюць
«З татам вырашылі: наспеў час вучыцца па-беларуску». Жанчына расказала, як у 80-я гады ездзіла за 20 кіламетраў ад Мінска дзеля адукацыі на роднай мове11
«З татам вырашылі: наспеў час вучыцца па-беларуску». Жанчына расказала, як у 80-я гады ездзіла за 20 кіламетраў ад Мінска дзеля адукацыі на роднай мове1
Зніклы Анатоль Котаў быў партнёрам самага высокапастаўленага беларускага разведчыка, які пераехаў у Польшчу. Тут можа быць ключ да разгадкі яго знікнення7979
Каментары