Працягваюцца сустрэчы старшыні Рады Беларускай Народнай Рэспублікі Івонкі Сурвілы з актывістамі беларускіх арганізацыяў у Аўстраліі.
У Сыднэі Івонку Сурвілу прывітаў старшыня Беларускага грамадзка-культурнага клюбу Міхась Лужынскі. У будынку клюбу адбылася сустрэча зь беларусамі Сыднэю, падчас якой абмяркоўвалася сытуацыя ў Беларусі і спосабы, якімі дыяспара можа дапамагчы дэмакратызацыі Бацькаўшчыны.
Івонка Сурвіла наведала Сыднэйскі ўнівэрсытэт – найбольшую навучальную ўстанову Аўстраліі. Прафэсар Вольга Качан расказала пра навуковыя праграмы ўнівэрсытэту, дзе, дарэчы, захоўваецца калекцыя беларускіх пэрыядычных выданьняў.
Варта сказаць, што аўстралійскія беларусы вялі актыўную выдавецкую дзейнасьць – выходзілі часопісы «На варце» і «Лучнік», бюлетэнь «Новае жыцьцё» (гэты апошні цяпер адноўлены намаганьнямі прадстаўніка апошняй хвалі эміграцыі Віктара Кавалеўскага).
Пасьля Сыднэю Івонка Сурвіла накіравалася ў Мэльбурн, які доўгі час лічыўся цэнтрам беларускага жыцьця ў Аўстраліі. Старшыня Рады БНР наведала набажэнства ў царкве Трох віленскіх пакутнікаў Беларускай аўтакефальнай праваслаўнай царквы, сустрэлася зь сябрамі парафіяльнай рады. Кіраўнік Фэдэральнай рады беларускіх арганізацыяў ў Аўстраліі Яўген Груша наладзіў прыманьне, на якім прысутнічалі і лідэры беларускіх арганізацыяў штату Вікторыя. Дарэчы, шмат хто зь іх зьбіраў сродкі для дапамогі ахвярам Чарнобылю, 20-годзьдзе якога нядаўна ўспаміналі ў парлямэнце штату Вікторыя. Удзельнікі вакальнай групы «Каліна» прэзэнтавалі свае песьні, выдадзеныя на CD.
Івонка Сурвіла наведала беларускія могілкі ў Фоўкнэры, дзе ў 1970-я гады ўстаноўлены помнік «На вечны ўспамін спачылых усіх ведамых і няведамых Беларусаў».
У аўторак старшыня Рады БНР вылятае ў Эдэлэйд, дзе таксама сустрэнецца з прадстаўнікамі беларускай дыяспары.
Працягваюцца сустрэчы старшыні Рады Беларускай Народнай Рэспублікі Івонкі Сурвілы з актывістамі беларускіх арганізацыяў у Аўстраліі.
У Сыднэі Івонку Сурвілу прывітаў старшыня Беларускага грамадзка-культурнага клюбу Міхась Лужынскі. У будынку клюбу адбылася сустрэча зь беларусамі Сыднэю, падчас якой абмяркоўвалася сытуацыя ў Беларусі і спосабы, якімі дыяспара можа дапамагчы дэмакратызацыі Бацькаўшчыны.
Івонка Сурвіла наведала Сыднэйскі ўнівэрсытэт – найбольшую навучальную ўстанову Аўстраліі. Прафэсар Вольга Качан расказала пра навуковыя праграмы ўнівэрсытэту, дзе, дарэчы, захоўваецца калекцыя беларускіх пэрыядычных выданьняў.
Варта сказаць, што аўстралійскія беларусы вялі актыўную выдавецкую дзейнасьць – выходзілі часопісы «На варце» і «Лучнік», бюлетэнь «Новае жыцьцё» (гэты апошні цяпер адноўлены намаганьнямі прадстаўніка апошняй хвалі эміграцыі Віктара Кавалеўскага).
Пасьля Сыднэю Івонка Сурвіла накіравалася ў Мэльбурн, які доўгі час лічыўся цэнтрам беларускага жыцьця ў Аўстраліі. Старшыня Рады БНР наведала набажэнства ў царкве Трох віленскіх пакутнікаў Беларускай аўтакефальнай праваслаўнай царквы, сустрэлася зь сябрамі парафіяльнай рады. Кіраўнік Фэдэральнай рады беларускіх арганізацыяў ў Аўстраліі Яўген Груша наладзіў прыманьне, на якім прысутнічалі і лідэры беларускіх арганізацыяў штату Вікторыя. Дарэчы, шмат хто зь іх зьбіраў сродкі для дапамогі ахвярам Чарнобылю, 20-годзьдзе якога нядаўна ўспаміналі ў парлямэнце штату Вікторыя. Удзельнікі вакальнай групы «Каліна» прэзэнтавалі свае песьні, выдадзеныя на CD.
Івонка Сурвіла наведала беларускія могілкі ў Фоўкнэры, дзе ў 1970-я гады ўстаноўлены помнік «На вечны ўспамін спачылых усіх ведамых і няведамых Беларусаў».
У аўторак старшыня Рады БНР вылятае ў Эдэлэйд, дзе таксама сустрэнецца з прадстаўнікамі беларускай дыяспары.
Каментары