Брат затрыманага па справе «Белага легіёна»: Шукалі нажы-пісталеты, а знайшлі толькі марганцоўку для малявання
Адзін з затрыманых па справе «Белага легіёна» — Іван Кавальчук. Ён студэнт 6-га курса Архiтэктурнага факультэта БНТУ, адначасова працуе ў будаўнічай кампаніі «Аргбуд».
«Пры ператрусе нiчога значнага не знайшлi. Забралi толькi камуфляжную вопратку у якой ён займауся сваiм хобi, дыгерствам», — запэўнівае Аляксей Кавальчук, брат арыштаванага. Дыгеры — гэта людзі, якія даследуюць падземныя камунікацыі.
«Таксама забралi каску вайсковага ўзору, якую я яму сам даўно аддаў, а ён яе прывёў у добры выгляд, — працягвае брат. — Са словаў сведкi ператрусу, знайшлi налепкi «Антымайдан» і чорна-чырвоны анархісцкі сцяг. Але цi гэта сведчыць пра тое, што ён датычны да нейкіх масавых беспарадкаў?! Поўную карцiну складаюць нiбыта знойдзеныя цвiкi (невялiкая жменя) ды пачатая ўпакоўка марганцоўкi».
Аляксей Кавальчык тлумачыць, што ягоны брат скончыў мастацкі каледж. Марганцоўка была патрэбная яму, каб падрыхтаваць грунт для палатна, а цвікі — каб нацягнуць і замацаваць палатно. Прычым i цвiкi, i марганцоўку нібыта выцягнулi з пакета, дзе знаходзяцца яго рэчы для малявання: палiтра, розныя вадкасцi накшталт ацэтону, фарбы, а таксама малаток, якiм мацаваў цвiкамi палатно.
Сведка вобшуку расказаў Аляксею, што сілавікі надта расстроіліся, бо шукалі ў Івана нажы і пісталеты.
-
Дзмітрый «Шэры кот» Казлоў — пра тое, як стаў палітычным блогерам і за гэта аказаўся за кратамі. А цяпер будуе новае жыццё ў выгнанні
-
З пачатку года колькасць беларусаў у Літве з дазволам на пражыванне зменшылася на 10%
-
Жыхары вёскі пад Баранавічамі папрасілі ў чыноўнікаў заасфальтаваць дарогу. Тыя геніяльна вырашылі праблему
Цяпер чытаюць
«У выніку ён сказаў мне: «Хопіць мяне шантажаваць, я хачу палюбавацца гэтымі дрэвамі». Аксана Колб расказала, пра што размаўляла са Статкевічам на мяжы88
Каментары