Затрыманы падазраваны ў нападзе на аўтобус «Барусіі». Гэта ісламскі экстрэміст
Паліцыя Германіі затрымала падазраванага ў нападзе на аўтобус дортмундскай «Барусіі». Прадстаўнік Генпракуратуры назваў яго прадстаўніком ісламскіх экстрэмістаў, не назваўшы імя.
Акрамя затрыманага паліцыя таксама шукае яшчэ аднаго экстрэміста. У дамах абодвух падазраваных праходзяць ператрусы.
Генпракуратура таксама абвясціла, што зыходзіць з тэрарыстычнай накіраванасці нападу, але пакуль афіцыйна не кваліфікавала здарэнне як тэракт.
Паведамляецца, што на месцы выбухаў каля аўтобуса знойдзены тры аднолькавых ўлёткі з ісламісцкімі лозунгамі.
***
Увечары 11 красавіка каля аўтобуса з футбалістамі адбыліся тры выбухі, калі «Барусія» ехала на стадыён з гатэля. У выніку пацярпеў гулец Марк Бартра, ён ужо праапераваны. Выбухам таксама быў кантужаны паліцэйскі, які суправаджаў аўтобус.
Друкуецца ў межах спецыяльнай рубрыкі «Навіны Германіі»
Цяпер чытаюць
Зніклы Котаў выехаў з Турцыі морам — магчыма, у бок Расіі4
Каментары