Міністр абароны Афганістана і начальнік генштаба сышлі ў адстаўку пасля нападу «Талібана» на ваенную базу пад Мазары-Шарыфам, у выніку якога загінула больш за сотню вайскоўцаў.
Напад на базу адбыўся ўвечары ў пятніцу. Талібы прабраліся на базу, пераапрануўшыся ў афганскую ваенную форму, і адкрылі агонь. Яны застрэлілі салдат, якія знаходзіліся ў сталовай, а таксама вайскоўцаў, якія выходзілі з мячэці на тэрыторыі базы пасля пятнічнай малітвы.
Дакладнай інфармацыі аб колькасці загінулых пакуль няма. Афганскае міністэрства абароны не апублікавала спіс ахвяр і заявіла толькі, што пацярпелі або загінулі больш за 100 чалавек.
Іншыя чыноўнікі заявілі Бі-бі-бі пра 136 загінулых. Адзін з відавочцаў сцвярджае, што налічыў 165 трупаў.
Гэта адзін з самых буйных па колькасці ахвяр нападаў талібаў за апошнія гады. Ён выклікаў абурэнне ў краіне, бо паставіў пад пытанне здольнасць ўрада супрацьстаяць «Талібану».
Цяпер чытаюць
Памятаеце Асоль Слівец? Жыццё фрыстайлісткі змянілася да непазнавальнасці, цяпер яна Абігаль5
Каментары