На фоне ўзмоцненых трэнняў з нагоды ракетных і ядзерных амбіцый КНДР амерыканскія ваенныя прыступілі да разгортвання ў Паўднёвай Карэі сістэмы супрацьракетнай абароны THAAD, што выклікала вельмі неадназначную рэакцыю як унутры краіны, так і за мяжой, піша ВВС.
У правінцыі Санджу, куды ў сераду перавезлі абсталяванне комплексу, калону амерыканскай ваеннай тэхнікі сустрэлі сотні дэманстрантаў, якія пратэстуюць супраць размяшчэння там сістэмы СРА.
Пекін заяўляе, што разгортванне комплексу THAAD падрывае бяспеку ў рэгіёне.
Баючыся, што Пхеньян плануе новыя ракетныя і ядзерныя выпрабаванні, ЗША ўжо адправілі да ўзбярэжжа Карэйскага паўвострава авіяносную групу.
На сераду прызначаны і сакрэтны брыфінг у Белым доме, на які запрошаныя адразу ўсе 100 членаў амерыканскага сената. Акрамя таго, Вашынгтон звярнуўся ў Раду Бяспекі ААН з заклікам неадкладна заняцца рашэннем паўночнакарэйскай праблемы і паралельна паспрабаваў заручыцца падтрымкай Пекіна.
Сістэма THAAD (Terminal High Altitude Area Defense) — мабільны комплекс наземнага базавання, прызначаны для перахопу балістычных ракет малой і сярэдняй далёкасці і закліканы абараніць Паўднёвую Карэю ад ракетнай пагрозы з боку паўночнага суседа.
Як удакладнілі ў паўднёвакарэйскім міністэрстве абароны, размяшчэнне сістэмы СРА было ўзгоднена яшчэ летась, аднак у эксплуатацыю яна будзе ўведзеная толькі да канца 2018 года.
-
Бенгальскія агні на шампанскім сталі прычынай пажару ў бары ў Швейцарыі, дзе загінулі 40 чалавек
-
Кіруючая партыя Германіі хоча высылаць сірыйцаў, якія беглі ад грамадзянскай вайны, назад на радзіму — нават рэгулярнымі рэйсамі
-
Еўракамісія пачала расследаванне з-за тыктокаў, створаных з дапамогай штучнага інтэлекту, якія заклікаюць да выхаду Польшчы з ЕС
Топавы перакладчык паехаў у Беларусь мяняць пашпарт — і сеў за данаты. «КДБ паглядзеў на суму і вырашыў, што ніхто ў здаровым розуме не можа выдаткаваць столькі ўласных грошай»3
Топавы перакладчык паехаў у Беларусь мяняць пашпарт — і сеў за данаты. «КДБ паглядзеў на суму і вырашыў, што ніхто ў здаровым розуме не можа выдаткаваць столькі ўласных грошай»
Вайб-праграмаванне зменіць ролю распрацоўшчыка, RLVR, і калі лопне бурбалка. Беларус-інжынер у галіне ШІ, які працуе ў ЗША, расказаў, што нас чакае ў 202633
Каментары