Расійская Федэрацыя адклікае свайго пасла Сяргея Кісляка з Вашынгтона. Пра гэта паведамляе амерыканскае выданне BuzzFeed News са спасылкай на тры крыніцы, піша УНІАН.
Выданне адзначае, што рашэнне вярнуць Кісляка ў Расію замест таго, каб прызначыць яго на кіруючую пасаду ў Арганізацыі Аб'яднаных Нацый у Нью-Ёрку, як пра гэта паведамлялі раней некалькі СМІ, з'явілася на фоне расследаванняў ФБР і Кангрэсам кантактаў расійскага дыпламата з галоўнымі дарадцамі Дональда Трампа падчас выбарчай кампаніі ў 2016 годзе.
Разам з тым сказана, што сыход Кісляка даўно ўжо чакаўся, але ў Маскве не пацвярджалі дату яго ад'езду. У той жа час, бізнэс-рада ЗША—Расія арганізуе развітальны вечар з паслом Кісляком, які павінен адбыцца 11 ліпеня ў гатэлі St. Regis.
Афіцыйны прадстаўнік міністэрства замежных спраў РФ Марыя Захарава ў панядзелак сказала, што Кісляк, які працуе ў ЗША ўжо 9 гадоў, увойдзе ў гісторыю як чалавек, які зрабіў усё магчымае для развіцця двухбаковых адносін, нават у самыя складаныя часы.
Цяпер чытаюць
Пратэжэ лукашэнкаўскага фаварыта Баскава будуе акадэмію ў Бразіліі і Нью-Васюкі сусветнага маштабу2
Каментары