Абвяшчэнне кіраўніка самаабвешчанай ДНР Аляксандра Захарчанкі аб стварэнні Маларосіі з'яўляецца яго асабістай ініцыятывай. Пра гэта заявіў прэс-сакратар прэзідэнта Дзмітрый Пяскоў.
Па словах Пяскова, расійскія ўлады «пра гэта даведаліся сёння раніцай са СМІ». «Мы застаемся прыхільнымі мінскім дамоўленасцям», — падкрэсліў прадстаўнік Крамля.
Раней у аўторак Захарчанка абвясціў аб стварэнні Маларосіі. Ён распавёў, што яе сталіца будзе знаходзіцца ў Данецку. У самаабвешчанай рэспубліцы прапанавалі выбраць прадстаўнікоў ад усіх рэгіёнаў Украіны ў Канстытуцыйны сход, на якім будзе заснавана Маларосія і прынятая канстытуцыя новай краіны.
Прэзідэнт Украіны Пятро Парашэнка ў адказ на заяву аб стварэнні Маларосіі зноў паабяцаў, што суверэнітэт над Данбасам і Крымам будзе адноўлены.
Пазней РБК са спасылкай на крыніцу паведаміў, што ідэя аб стварэнні Маларосіі ад Захарчанкі стала нечаканасцю для памочніка прэзідэнта Расіі Уладзіслава Суркова, які курыруе ўкраінскія пытанні.
Раней у аўторак, 18 ліпеня, Пяскоў адмовіўся каментаваць ідэю стварэння Маларосіі. «Я пакуль пакідаю без каментароў гэтую тэму, яна падлягае асэнсаванню і аналізу. Расійскі бок захоўвае прыхільнасць мінскім дамоўленасцям, усё астатняе пакуль не каментуем», - падкрэсліў прэс-сакратар.
«Забіць яго ці адрэзаць яму яйцы я не рашыўся». Падрабязнасці трагедыі ў Гданьску, дзе ваяр катаваў бойфрэнда, а пасля забіў сябе65
Каментары