рашэньня Расеі аб прызнаньні незалежнасьці Абхазіі і Паўднёвай Асеціі. Але лукашэнкаўскія дэпутаты ў адзін голас заяўляюць аб неабходнасьці прызнаньня.
Міністэрства замежных спраў Беларусі пакуль не каментуе рашэння Расіі аб прызнанні незалежнасці Абхазіі і Паўднёвай Асеціі. Ці будзе які каментар і калі ён з’явіцца, пакуль невядома, заявілі БелаПАН у прэс‑службе знешнепалітычнага ведамства.
Тым часам дэпутаты Мікалай Чаргінец, Уладзімер Баршчоў, Сяргей Касьцян, Сяргей Гайдукевіч, якія належаць да камісій па міжнародных справах савету рэспублікі і палаты прадстаўнікоў, у адзін голас ухвалілі рашэньне Расеі і абрынуліся на Захад. «Расея рашыла ўстаць з кален», — заявіў Гайдукевіч. «Сёньня ёсьць усе падставы, каб падтрымаць у гэтым пытаньні Расею», — кажа Баршчоў. У беларускай сыстэме дэпутаты проста так сваіх меркаваньняў не выказваюць.
Нагадаем, 26 жніўня прэзідэнт Расіі Дзмітрый Мядзведзеў падпісаў указы аб прызнанні незалежнасці Абхазіі і Паўднёвай Асеціі. Свае заявы з гэтай нагоды ўжо абнародавалі шэраг краін Еўрасаюза.
Так, МЗС Францыі заявіла, што рашэнне Расіі «выклікае шкадаванне». «Мы лічым, што гаворка ідзе аб рашэнні, што выклікае шкадаванне, і пацвярджаем нашу прыхільнасць тэрытарыяльнай цэласнасці Грузіі», — цытуе агенцтва РІА Новости прадстаўніка французскага знешнепалітычнага ведамства.
Рашэнне Расіі «абсалютна непрымальнае» і «супярэчыць нормам міжнароднага права», заявіла канцлер Германіі Ангела Меркель.«Я думаю, што весь Еўрапейскі саюз выкажацца ў такім жа ключы», — дадала яна.
Вялікабрытанія «катэгарычна абвяргае» рашэнне Расіі аб прызнанні незалежнасці Паўднёвай Асеціі і Абхазіі. Прадстаўнік МЗС Вялікабрытаніі заявіла, што падобныя дзеянні не спрыяюць урэгуляванню сітуацыі на Каўказе. Апрача таго, падкрэсліла яна, такім крокам Расія парушае ўзятыя раней на сябе абавязацельствы.
Міністр замежных спраў Швецыі Карл Більдт заявіў, што прызнанне Расіяй незалежнасці Абхазіі і Паўднёвай Асеціі з’яўляецца «наўмысным парушэннем міжнароднага права».«Гэтае рашэнне азначае яснае і наўмыснае парушэнне міжнароднага права і ідзе супраць фундаментальных прынцыпаў стабільнасці ў Еўропе», — прыводзіць словы міністра РІА Новости.
Сваё шкадаванне адносна прынятага Расіяй рашэння выказаў таксама міністр замежных спраў Італіі Франка Фраціні.
Дзяржсакратар ЗША Кандаліза Райс таксама выказала шкадаванне ў сувязі з рашэннем Расіі прызнаць незалежнасць Абхазіі і Паўднёвай Асеціі.
-
«У нас гэтыя льготы няма чым ільгатаваць». Лукашэнка патлумачыў, чаму не будзе даваць льгот моладзі і шматдзетным
-
У Брэсцкай вобласці з выпускнікоў, якія не адпрацавалі размеркаванне, спагналі больш за 880 тысяч рублёў
-
«Вельмі цяжкая фінансавая нагрузка». Беларуская чыгунка атрымае адтэрміноўкі па крэдытах
Цяпер чытаюць
Беларус расказаў, як быў гідам у Дудзя на Мадэйры — елі дранікі ў бары і гулялі ў футбол на стадыёне Раналду8
Каментары