Работнікам Нацыянальнай бібліятэкі і Рэспубліканскай навукова-тэхнічнай бібліятэкі спецыяльнай пастановай Мінпрацы за подпісам кіраўніка ведамства Ірыны Касцевіч паднялі аклады. Пра гэта гаворыцца ў адпаведнай пастанове Мінпрацы ад 1 жнiўня 2017 г. № 40.
«Улічваючы спецыфіку і характар працы, тарыфныя аклады (стаўкі) работнікам павышаюцца: Рэспубліканскай навукова-тэхнічнай бібліятэкі — у сярэднім на 30 працэнтаў; Нацыянальнай бібліятэкі Беларусі — у сярэднім на 50 адсоткаў», — гаворыцца ў пастанове.
Бібліятэкары і бібліёграфы, мяркуючы па аб'явах у рэспубліканскім банку вакансій, атрымліваюць невялікія заробкі.
Напрыклад, у чэрвені праз рэспубліканскі банк вакансій у «Нацыяналку» шукалі бібліятэкара з вышэйшай адукацыяй і першай кваліфікацыйнай катэгорыяй на 1,25 стаўкі. Заробак абяцалі ад 272,66 рубля.
Бібліёграфу з вышэйшай адукацыяй і другой кваліфікацыйнай катэгорыяй на 0,5 стаўкі прапаноўвалі заробак ад 272 рублёў.
У чэрвені работнікі бібліятэк, архіваў, музеяў і іншая дзейнасць у галіне культуры ў сярэднім па краіне зараблялі 452,6 рубля.
Цяпер чытаюць
Трамп заявіў, што ідуць перамовы пра вызваленне яшчэ 50 беларускіх палітвязняў, і назваў іх «закладнікамі»4
Трамп заявіў, што ідуць перамовы пра вызваленне яшчэ 50 беларускіх палітвязняў, і назваў іх «закладнікамі»
«Як Вольскі прыходзіў з ператрусам да Коласа, а Крапіва і Глебка даносілі на калег». Апублікаваныя жахлівыя ўспаміны Рыгора Бярозкіна пра рэпрэсіі 1920—1940-х1212
Каментары