На месцы знесенага «Белэкспа» не дазволілі будаваць вышынныя дамы і комплекс у арабскім стылі
Канцэпцый забудовы тэрыторыі «Белэкспа» было некалькі, але горад не ўхваліў ні высотак, ні арабскай стылістыкі. Пра гэта распавёў старшыня камітэта архітэктуры і горадабудаўніцтва Мінгарвыканкама Павел Лучыновіч, піша Tut.by.
Праектаваннем комплексу на месцы знесенага «Белэкспа» і 2-й бальніцы займалася архітэктурнае бюро «Вараб'ёў і партнёры». Па словах Паўла Лучыновіча, праца праводзілася на працягу апошніх 1,5 года. Было распрацавана некалькі варыянтаў будучага комплексу. Ад канцэпцыі, якая прадугледжвае будаўніцтва высотак, горад адмовіўся.
— Мы трошкі ссоўваем асноўны аб'ект — гасцініцу, адна з умоў — яна не павінна дамінаваць над Верхнім горадам і над верхняй кропкай опернага тэатра. Мы захоўваем гістарычныя будынкі, будзе праводзіцца рэстаўрацыя з прыстасаваннем», — адзначыў Павел Лучыновіч.
Адмовіў горад і канцэпцыі з арабскімі матывамі — зноў жа таму, што побач — культавыя аб'екты.
— Стылістыка комплексу будзе, хутчэй, сугучная праспекту Незалежнасці, — удакладніў Лучыновіч.
Дзе будзе новае «Белэкспа», горад яшчэ не вызначыўся.
— Але пляцоўка будзе недалёка ад кальцавой, за мяжой Мінска, — адзначыў старшыня Мінгарвыканкама.
Не вызначаная пакуль што і сама канцэпцыя галоўнага выставачнага цэнтра краіны.
Нагадаем, у 2021 годзе на месцы «Белэкспа» і былой 2-й бальніцы павінен з'явіцца шматфункцыянальны комплекс, які складаецца з гатэля, гандлёвых аб'ектаў, казіно, спа-комплексу з басейнам і г. д.
«Набірала ваду з унітазнага бачка для гатавання, мыцця». Ганна Бонд шчыра распавяла пра цяжкае дзяцінства13
Каментары