«Настаўнік павінен жыць тым жыццём, якім жыве яго вучань». Галоўныя цытаты з выступу Лукашэнкі
president.gov.by
- «Трэба ісці ад жыцця, вырашаць тыя пытанні, якія ставіць жыццё. Адукацыя — настолькі складаны працэс, што ўзяць і праз калена нешта зламаць, асабліва ў цэлым сістэму адукацыі, і выбудаваць новую не атрымаецца».
- «Мы сілай не душылі: давай «беларускую мову родную»! Мы ішлі і ідзём ад жыцця… Вы маю пазіцыю ведаеце: руская мова — гэта наша родная мова, ну, можа быць, крыху менш, чым беларуская. А наогул я іх стаўлю на роўных узроўнях і лічу, што ад гэтай спадчыны адмаўляцца нам ні ў якім разе нельга».
- «Менавіта эканоміка ведаў, а таксама прафесіяналы, хто шчыра любіць сваю Радзіму, забяспечваюць канкурэнтаздольнасць краіны».
- «Для маладых людзей інтэрнэт — гэта асяродак пражывання. Яны не бачаць сябе без электронных прылад. Абсалютна згодны: гэтыя прылады патрэбныя, цікавыя, карысныя. Але яшчэ больш важна навучыць людзей думаць …!»
- «Наша дашкольная адукацыя — найлепшая ў свеце, і гэта не проста гучная заява».
- «Галоўная задача настаўніка — вучыць і выхоўваць дзяцей, а не займацца паператворчасцю».
- «Мы вучыліся немаведама ў якіх школах, у немаведама якіх класах, у закутках, як у Беларусі кажуць, і атрымлівалі неблагую адукацыю, і ў космас мы выйшлі толькі дзякуючы настаўніку».
- «Успамінаю былыя часы, калі я быў вучнем. Самае страшнае для мяне было, калі ў вёску прыходзіў настаўнік. Ён хадзіў па хатах. Класны кіраўнік бываў у сваіх вучняў кожны тыдзень».
- «Настаўнік павінен жыць тым жыццём, якім жыве яго вучань».
- «Настаўнік настаўніку розніца. І вы гэта ведаеце не горш за мяне. Тады чаму настаўнікі ўсе ў нас аднолькавыя, ураўнілаўку мы стварылі? Атрымліваюць заработную плату практычна ўсе аднолькава».
- «Па маім патрабаванні мы прыцягнулі да напісання школьных падручнікаў акрамя вундэркіндаў (акадэмікаў, буйных навукоўцаў) настаўнікаў-наватараў. Эфект надзвычайны».
- «Шосты дзень у школе… Гэта не выхадны. Гэта, калі хочаце, скажу як настаўнік, каб вучня нахіліць да жыцця, зрабіць яго здаровым… Цяперашні малады чалавек, падлетак не разумее, што такое электрычная разетка, лямпачка. Дзяўчынка-падлетак не ўмее гузік прышыць… Нам хутка не будзе каго ў войска заклікаць па стане здароўя».
- «Склаліся ўражанне, што ў апошні час нашы ідэалагічныя памочнікі — маладзёжныя, грамадскія арганізацыі — захапіліся флэшмобамі, піяр-акцыямі і іншымі паказушнымі мерапрыемствамі Гэта таксама, напэўна, трэба, гэта сучасна. Але яны, мабыць, забыліся, што іх галоўная задача — штодзённая і карпатлівая праца з моладдзю».
- «Надышоў час брацца за вышэйшыя навучальныя ўстановы, пачынаючы ад кіраўніцтва, выкладчыкаў і заканчваючы тым, што яны вараць у сябе на кухні. Я маю на ўвазе — рыхтуюць спецыялістаў. І мы гэтым пытаннем зоймемся неадкладна».
Цяпер чытаюць
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі18
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі
«Незалежнасць не падае з неба і не даецца назаўсёды. Яе трэба абараняць». Ціханоўская выступіла з заявай да 35-годдзя прыняцця Дэкларацыі аб суверэнітэце4141
Каментары