У суботу з акна пятага паверха адной са шматпавярховак на сталічнай вуліцы Скрыпнікава выкінулі сабаку. Жывёла загінула, а міліцыя для затрымання меркаванага вінаватага выклікала пажарную машыну, каб па лесвіцы падняцца на пяты паверх і трапіць у кватэру праз акно, паведамляе TUT.BY.
Сведка здарэння Дзмітрый паведаміў, што адбылося ўсё каля поўдня 26 жніўня. Відавочцаў таго, як сабаку выкінулі з балкона, было шмат. Яны ж і выклікалі міліцыю. Аднак у кватэры, з якой выкінулі жывёлу, дзверы не адкрылі. Тады праваахоўнікі выклікалі МНС, каб па пажарнай лесвіцы трапіць у патрэбную кватэру на пятым паверсе, распавёў сведка. Суседзі характарызуюць сям'ю як «нядобранадзейную».
У кватэры было трое чалавек: жанчына гадоў 50 і двое маладых мужчын, усе нецвярозыя, паведамляе тэлеканал АНТ. Суседзі распавялі, што да сабакі гаспадары ставіліся не вельмі добра. Адна жыхарка гэтага дома нават хацела забраць сабаку сабе, аднак гаспадыня ў апошні момант перадумала.
«Мужчына, які выкінуў сабаку з акна, затрыманы. Праводзіцца разбіральніцтва для ўстанаўлення прычын таго, што адбылося, а таксама прыцягнення за жорсткае абыходжанне з жывёламі, згодна з артыкулам 339-1 КК», — заявіла афіцыйны прадстаўнік Фрунзенскага РУУС Наталля Аскіра.
Цяпер чытаюць
Апакаліпсіс заўтра. Статкевіч напісаў першы артыкул — з папярэджаннем пра небяспеку з боку Расіі55
Каментары