Пералік зон у Беларусі, дзе забаронена выкарыстанне авіямадэлей, папоўніўся на некалькі дзясяткаў пунктаў. Гэта вынікае з пастановы Міністэрства абароны Беларусі ад 27 верасня 2017 года.
Першы такі спіс з'явіўся ў жніўні мінулага года. У ім было 16 пунктаў, у тым ліку цэнтр Мінска, раён Дразды і АЭС.
У абноўленым пераліку — 80 радкоў. У Мінску цяпер нельга лётаць над праспектамі Пераможцаў і Незалежнасці, паўночная частка МКАД, «Мінск-Арэна», «Чыжоўка-Арэна», Палац Незалежнасці і раён за Нацыянальнай бібліятэкай.
Да забароненых зонаў дадаліся Нацыянальны аэрапорт Мінск, Мачулішчы, участкі трас М3, М2 і Р80. Таксама закрытыя для палётаў тэрыторыі з'явілася над Лідай, Пінскам, Лунінцом, Віцебскам, Полацкам і ўздоўж межаў з Украінай, Польшчай, Літвой і Латвіяй.
Нагадаем, па законе, пад словам «авіямадэль» разумеецца «лятальны апарат без чалавека на борце, кіраванне палётам якога магчыма толькі пры ўмове візуальнага кантакту з ім, а таксама некіравальны свабодналятаючы апарат». У забароненых зонах выкарыстанне авіямадэлей не дапускаецца без ўзгаднення з дзяржорганам (арганізацыяй).
Пры гэтым, згодна з пастановай № 636 ад 16 жніўня 2016 «Аб некаторых пытаннях выкарыстання авіямадэлей у Рэспубліцы Беларусь», для забеспячэння бяспекі палёту паветраных судоў выкарыстоўваць авіямадэлі можна на вышыні да 100 метраў ад узроўню зямлі (вады).
Цяпер чытаюць
«Забралі яго. Не кінеш жа, усё ж такі наш чалавек». Лукашэнка выказаўся пра Статкевіча19
«Забралі яго. Не кінеш жа, усё ж такі наш чалавек». Лукашэнка выказаўся пра Статкевіча
«У выніку ён сказаў мне: «Хопіць мяне шантажаваць, я хачу палюбавацца гэтымі дрэвамі». Аксана Колб расказала, пра што размаўляла са Статкевічам на мяжы88
Каментары