Прэзідэнт Дональд Трамп дазволіў аднавіць прыём бежанцаў у ЗША па заканчэнні чатырохмесячнага мараторыя, але фактычна падоўжыў забарону на прадастаўленне прытулку для грамадзян 11 афіцыйна не названых дзяржаў, якія Белы дом адносіць да групы рызыкі, паведамляе ВВС.
У чэрвені пасля серыі судовых баталій Трамп закрыў уезд для бежанцаў з любой краіны на 120 дзён, выконваючы адно з ключавых абяцанняў сваёй перадвыбарнай кампаніі. Тады ж ён на 90 дзён забараніў уезд грамадзянам Ірана, Лівіі, Сірыі, Самалі, Судана і Йемена, акрамя тых, хто працуе, вучыцца ці мае блізкіх сваякоў у ЗША.
Суддзі неаднаразова згаджаліся з довадамі палітычных апанентаў цяперашняй адміністрацыі аб тым, што выбар краін, якія падпалі пад забарону, абумоўлены перадвыбарнымі абяцаннямі Трампа закрыць уезд у ЗША мусульманам, што само па сабе супярэчыла б амерыканскай канстытуцыі.
Забарона на ўезд з шасці краін скончылася ў канцы верасня, а ў аўторак скончылася і забарона на прыём бежанцаў, аднак Трамп увёў новае абмежаванне. На бліжэйшыя 90 дзён прадастаўленне прытулку грамадзянам 11 краін будзе сур'ёзна абмежаванае, пакуль адміністрацыя не распрацуе новыя, больш жорсткія патрабаванні да праверкі іх зваротаў.
Дзярждэпартамент ЗША не ўдакладніў, грамадзяне якіх краін запатрабуюць асаблівай увагі.
Агенцтва Рэйтэр, спасылаючыся на свае крыніцы і дакумент Дзярждэпа, называе Егіпет, Іран, Ірак, Лівію, Малі, Паўночную Карэю, Самалі, Судан, Паўднёвы Судан, Сірыю і Йемен, а таксама палестынцаў, якія жывуць у гэтых краінах.
Паводле даных амерыканскіх СМІ, узмоцненыя праверкі для бежанцаў з гэтых краін будуць уключаць збор дадатковай інфармацыі аб сваяках, месцах працы і актыўнасці ў сацыяльных сетках.
Месяц таму Белы дом панізіў гадавую квоту на прадастаўленне прытулку замежнікам да 45 тысяч чалавек — такой нізкай яна не была ні разу з моманту запуску праграмы ў 1975 годзе.
Цяпер чытаюць
Асудзілі мазырскага блогера Union Bell. Хлопец некалькі гадоў хаваўся, але пасля арышту бацькі быў вымушаны звярнуцца ў бальніцу5
Асудзілі мазырскага блогера Union Bell. Хлопец некалькі гадоў хаваўся, але пасля арышту бацькі быў вымушаны звярнуцца ў бальніцу
«Як Вольскі прыходзіў з ператрусам да Коласа, а Крапіва і Глебка даносілі на калег». Апублікаваныя жахлівыя ўспаміны Рыгора Бярозкіна пра рэпрэсіі 1920—1940-х2020
«Як Вольскі прыходзіў з ператрусам да Коласа, а Крапіва і Глебка даносілі на калег». Апублікаваныя жахлівыя ўспаміны Рыгора Бярозкіна пра рэпрэсіі 1920—1940-х20
«Я супраць. Мовы, якія пакінулі пасля сябе каланізатары ў Афрыцы, сталі шляхам да цывілізацыі». Алексіевіч адказала, як ставіцца да адмовы ад рускай мовы ва Украіне8585
Каментары