Twitter робіць больш жорсткім парадак размяшчэння палітычнай рэкламы
Кіраўніцтва сеткі мікраблогаў Twitter паведаміла аб увядзенні новых правілаў размяшчэння ўсіх рэкламных аб'яў, уключаючы палітычную рэкламу, паведамляе DW. «У бліжэйшыя тыдні мы запусцім вядучы ў галіне цэнтр празрыстасці», — гаворыцца ў заяве кампаніі, размешчанай у яе афіцыйным блогу.
На спецыяльным сайце ўсе карыстальнікі змогуць атрымаць інфармацыю аб усіх рэкламных аб'явах у Twitter, у прыватнасці, аб тым, хто і як даўно іх размясціў, а таксама аб іншых аб'явах у рамках дадзенай рэкламнай кампаніі і мэтавай аўдыторыі. Акрамя таго, палітычная рэклама будзе пазначацца адмысловым чынам.
Карыстальнікі сацсеткі таксама змогуць паскардзіцца кіраўніцтву Twitter на любую рэкламную аб'яву, пасля гэтага яна будзе разгледжаная спецыялістамі і ў выпадку парушэнняў выдаленая, паведаміла далей кампанія. Рэкламадаўцы, якія парушаюць правілы размяшчэння рэкламы, будуць падвяргацца штрафным мерам. Адзін з аддзелаў новага цэнтра празрыстасці будзе займацца аб'явамі ў рамках перадвыбарчай агітацыі.
«У цяперашні час у нашай галіне няма дакладных правілаў для размяшчэння палітычнай рэкламы, аднак кіраўніцтва Twitter мае намер супрацоўнічаць з кампаніямі-партнёрамі, іншымі лідарамі галіны і палітыкамі па пошуку новага падыходу да празрыстасці рэкламных аб'яваў палітычнага характару», — гаворыцца далей у заяве.
Цяпер чытаюць
Трамп заявіў, што ідуць перамовы пра вызваленне яшчэ 50 беларускіх палітвязняў4
Трамп заявіў, што ідуць перамовы пра вызваленне яшчэ 50 беларускіх палітвязняў
«Як Вольскі прыходзіў з ператрусам да Коласа, а Крапіва і Глебка даносілі на калег». Апублікаваныя жахлівыя ўспаміны Рыгора Бярозкіна пра рэпрэсіі 1920—1940-х1212
Каментары