У Мінску ў сувязі з асфальтаваннем вул. Алібегава на ўчастку ад вул. Я. Брыля да вул. Рафіева (не ўключаючы перакрыжаванні) і абмежаваннем руху транспарту 28 і 29 кастрычніка, будуць унесеныя змены ў трасы некаторых маршрутаў грамадскага транспарту, паведамілі ў ДП «Мінсктранс».
Так, рух тралейбусаў маршруту №39 на ўчастку ад вул. Я. Брыля да ДС «Паўднёвы Захад» будзе арганізаваны па прасп. Газеты «Звязда», вуліцы Голубева ў абодвух кірунках.
Праца тралейбуснага маршруту №25 будзе адмененая.
Для кампенсацыі знятага тралейбуснага руху арганізуецца праца часовага аўтобуснага маршруту №25Т «ДС Кунцаўшчына — ДС Малінаўка-4» па дзейнай трасе тралейбуснага маршруту №25.
У «Мінсктрансе» таксама распавялі, што ў сувязі з асфальтаваннем вул. Ландэра на ўчастку ад вул. Казінца да разваротнага кальца аўтобусаў і закрыццём руху транспарту з 7.00 (28 кастрычніка) прыкладна да 22.00 (29 кастрычніка) рух аўтобусаў маршрутаў №40, 53 на ўчастку ад пл. Казінца да КП «Ландэра» будзе арганізаваны па вул. Каржанеўскага, Ландэра ў абодвух кірунках з выкананнем усіх прамежкавых прыпыначных пунктаў на змененым участку.
Пасажыраў просяць улічваць гэтую інфармацыю пры планаванні паездак.
Затрыманы ў Польшчы беларускі таксіст-шпіён быў сябрам «Паспалітага рушэння»14
Затрыманы ў Польшчы беларускі таксіст-шпіён быў сябрам «Паспалітага рушэння»
Расійскія і лукашэнкаўскія спецслужбы на фоне залёту дронаў у Польшчу правялі інфаатаку. Яе зладжанасць дае падставы думаць, што залёт быў спланаваны1515
Каментары