Пра гэта паведамілі карэспандэнту БелТА ў прэс-службе Міністэрства аховы здароўя. «Стан дзіцяці стабільна цяжкі. Яно падключанае да апарата штучнай вентыляцыі лёгкіх і знаходзіцца ў стане медыкаментознага сну», - сказалі ў прэс-службе.
Інцыдэнт адбыўся днём 28 кастрычніка паблізу вуліцы Даўмана ў Мінску. Як праінфармавала афіцыйны прадстаўнік Мінскага гарадскога ўпраўлення МНС Вольга Мельчанка, паведамленне пра дзіця, якое тоне, паступіла ў 16.55. Хлопчык быў у Свіслачы на адлегласці 15 м ад берага, каля дамбы, якая падзяляе Камсамольскае возера і раку. Да прыбыцця ратавальнікаў і хуткай дапамогі дзіця выцягнуў з вады выпадковы мінак - 15-гадовы першакурснік Мінскага дзяржаўнага прафесійнага ліцэя №9 аўтамабілебудавання Віталь Цітоў. Ён шпацыраваў непадалёк, калі пачуў крыкі аб дапамозе. Клікала жанчына з дзіцём, якая стаяла на беразе. Хлопец перабег на другі бераг ракі (адтуль было прасцей дабрацца да дзіцяці, якое танула), скокнуў у ваду і выцягнуў хлопчыка на бераг.
Дзевяцігадовы хлопчык быў перададзены брыгадзе хуткай дапамогі без дыхання і сэрцабіцця. Медыкі змаглі запусціць сэрца дзіцяці. Выратаваны быў дастаўлены ў шпіталь.
Каментары